Amanesoma Jɔn Aa Chwera Tɔn 16:13 - mzwDBL

¹³ Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

Amanesoma Jɔn Aa Chwera Tɔn 16:13 ပူးပေါင်းရင်းမြစ်များ

Amanesoma Jɔn Aa Chwera Tɔn 14:26

Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

Amanesoma Jɔn Aa Chwera Tɔn 14:17

Korowii Domadɛɛɡe laanee. Wɛɛ ɡeloo he jemɛ Korowii kasinteŋ waa la. Nɛra baa dɔ harɛ nɔ ta ɡbo liire aa won yarada o Domadɛɛɡe wa, dɛkalkɛ baa won nao ásɛ dɛ jemɔ. Kɛ he te jemɔ, dɛkalkɛ o ne heyaa lole, asɛ o so he nɛ.

Amanesoma Jɔn Aa Chwera Tɔn 15:26

Mɛɛ tomɛ Habɔchekpaa laanee o le n Mɛɛ be dɛ́ ba he be. Onee Korowii Domadɛɛɡe waa dɛ baɡle Korowii kasinteŋ waa la. Dɛ o balaa, onee dɛ́ ɛ n danseɛ.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

Amanesoma Jɔn Aa Chwera Tɔn 12:49

Dɛkalkɛ n ɡbabir kpeɡri ne laa mɛɛ bol waa nɔ. N Mɛɛ waa tom mɛ laanee do mɛ dɛ chaɡ mɛ ɡɛ maa bol o wa.

1 Jɔn 4:6

Ya te ɛ Korowii bii. Nomɛlbwa waa jemɛ Korowii la dɛ no ya wa. Nomɛlbwa waa wola Korowii jemɛ la aa ya waa no. Anɔ taa yaa ba cheɡa dɛ́ jemɛ banɔ la baa dɔ kasinteŋ Doma waa ɛ Korowii kon ne banɔ la baa dɔ nyosone kon la.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Wepila 1:19

Chwerɛ waa haa naa nɔ, ne anɔ la aa lole taraken, ne anɔ la aa dɛ ba bala anɔ nɔ habɔɔ.

Amanesoma Jɔn Aa Chwera Tɔn 8:38

Waa n Mɛɛ aa baɡ mɛɛ mɛɛ bol he be la, asɛ he ɡe ɛɛ ɛ anɔ la he mɛɛ aa bola he no.”

2 Tesalonika 2:3

He bɛ ɡel nomɛlbwa neɡre heyaa ŋwɛnɛ bɛlbwa ta. Hé jemɛ kɛŋɔ waane ɛɛ ɛo mɔɔ ásɛ tɔpere la ba. Gɛ saŋ nɛra aa ir dɛ́ warɛ pirim dɛ́ vɛh Korowii la ɛɛ bao, mɔɔ nɛn waa ɛ Kristo dɔm tenten Korowii bandia aa lɔ o nɛɛ kɛŋɔ ó chɔɡo la le.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

2 Tesalonika 2:12

ásɛ o won pa nomɛlbwa waa wola sɛɛh dɛ teŋɛ o kasinteŋ waa la ta kɛ dɛɛ ɛ wechɔɡa o sie lɛ a ta la bolchɔɡe.

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

Joel 2:28

Korowii berɔ ŋɔ, “A habɔɔ la, mɛɛ tɛ nɛra bwa soo siwii n Doma la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

We-ɛɛla 20:23

Waa maa jema bwaa kɛŋɔ bwɛjen bɛlbwa ta maa la la, ɡɛɛ Korowii Domadɛɛɡe che nɛra nɛɛ dɛ ŋɔ wahala ne dea chɔe chɔ n sie dɛɛ kpaa mɛ.

Amanesoma Jɔn Aa Chwera Tɔn 3:32

Waa o siwi aa naa ne waa waa noa Korowii be laanee wɛɛ bol, kɛ nɛwɛnyini aa o be no.

We-ɛɛla 11:28

Dɛ ba bini bɛl sɔne Aɡabus. Korowii Domadɛɛɡe la ir o nɛ, asɛ o ir che dɛ na chaahna dɛ ŋɔ lɔrchɔɡe bɛl dɛ́ ba ba harɛ la ta bala. Kpela, a ɡɛ waa nɔ balɔ Klɔdeɔs kara dii saŋ.

Aesaya 11:2

Korowii Doma ɛɛ so o nɛɛ, dɛ́ ɡel o dɔ wejema ne waa mun noe, dɛ́ jemɛ nɛra jae dɛ́ dɔ kpeɡri, dɛ́ berɛ ɡel ó jemɛ Korowii waa bini dɛɛ duuru.

Amanesoma Jɔn Aa Chwera Tɔn 16:12

N fe dɔ waa kohona dɛ́ bol baɡle heya, kɛ aa ɡwaa he nɛɛ kɛ he won no a mun buɡ nɔ ta.

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

1 Jɔn 5:6

Yeesu Kristo aa bala dɛ ba ɛ o toma la, nee ne chal taa o che dɛ ba. Korowii nee sɔe la ɡbo ta laa o toma la che. Kɛ o chal waa fuɡa ta la ne Korowii nee sɔe la bwa taa a che. Asɛ Korowii Domadɛɛɡe ɡee di danseɛ, dɛkalkɛ o ɛ kasinteŋ te.