Amanesoma Jɔn Aa Chwera Tɔn 15:7 - mzwDBL

⁷ Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Jɔn Aa Chwera Tɔn 15:7 ပူးပေါင်းရင်းမြစ်များ

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Job Tɔn 22:26

Anee dɛ́ ɡel he sie lɛ o nɛɛ kohona, ásɛ he won dɛɛ tomɔ bambidɛɛɡe ne.

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 37:4

Hé ɡel he sie ɛɛ lɛ Korowii nɛ, ásɛ o tɛ heya he bambile konnyina.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Sɛɡla 4:4

n mɛɛ fa yon bol waa dɛɛ baɡ mɛ dɛ ŋɔ, “Gel waa nɔ ɛɛ liire dɛ bɛ soh. Dɛɛ teŋɛ a ta ásɛ dɛ biɡri.

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Matiu 7:7

Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Amanesoma Jɔn Aa Chwera Tɔn 14:13

Ásɛ komɛlbwa haa che n sɔn ta dɛ́ soŋe la, mɛɛ ɛo. Anɔ taa aa ba cheɡa ń lɛ jirima tɛ n Mɛɛ Korowii.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 16:23

Tɔpere la telaa, haa men wobɛlbwaa bɔɔ kpa. Kasinteŋ, n dɛ ŋɔ he be, dɛ he soŋe komɛlbwa n Mɛɛ be naa, wɛɛ koh n waa dɛ́ tɛ heya.

Amanesoma Jɔn Aa Chwera Tɔn 8:31

Asɛ o ŋɔ Juu tena baa yaradao la be ŋɔ, “Dɛ he ɡelɔ n waa maa baɡle heyaa la do he bambile bini hɛɛ teŋɛ a ta te naa, dɛ he ɛ n habɔteŋra kpela,

Amanesoma Jɔn Aa Chwera Tɔn 8:37

N ɡbabir jemɔ kɛŋɔ he ɛ Abraham naanar, kɛ he berɔ dɛɛ nyin mɛ dɛ́ kpo, dɛkalkɛ haa n webaɡla yarada.

Galaasia 4:2

O ta ɛ bechala aa, o lɔ nɛra lɔɡa. Ban dɛɛ nyiŋi o komɛlbwa ta, dɛ ka tel tɔpere o mɛɛ aa doa la mɔɔ bá kpɔ komɛlbwa do o nɔn ta.

Galaasia 5:16

Waa maa dɛ nyin n bol laanee kɛŋɔ hé kpɔ he te tɛ Korowii Domadɛɛɡe la, ásɛ wɛɛ baɡle heyaa ŋwɛnɛ. Dɛ o dɛ baɡle heyaa ŋwɛnɛ aa, haa wechɔɡa he nɛwɛnyini mar aa dɛ nyin la ɛɛ ba,

Mmarare 6:6

Mmarare nɔ maa kpɔa dɛɛ tɛ heyaa fini nɔ chɛ kɛŋɔ á do he bambili bini hɛ́ɛ teŋɛ a ta dɛ bɛ soh.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

1 Jɔn 2:14

N bidɛɛɡa, n chwerɔ dɛɛ tɛ heya, dɛkalkɛ he jemɛ ya Mɛɛ waa lɔ nyundua la. Nomonome, n chwerɔ dɛɛ tɛ heya, dɛkalkɛ he jemɛ naate waa lole le mumpar bwa la. Bonɔɔna, n chwerɔ dɛɛ tɛ heya, dɛkalkɛ he bwaraa kpeɡa, Korowii waa la do he bambile bini. Heyaa wona pɔ Bɔnsam nɛ.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

1 Jɔn 5:14

Ya dɔ hwɛɡa Korowii be kɛŋɔ wobɛlbwa yaa soŋo la, dɛ a ɛ o tetoowa aa, wɛɛ no ya bee.