Amanesoma Jɔn Aa Chwera Tɔn 15:5 - mzwDBL

⁵ Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Amanesoma Jɔn Aa Chwera Tɔn 15:5 ပူးပေါင်းရင်းမြစ်များ

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Hosia 4:8

N nɛra wechɔɡa taa he sɔfore che dɛɛ dɔ he te, anomanta, he dɛ nyin ba na dɛɛ ɛ wechɔɡa kohona.

Matiu 13:21

Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

Amanesoma Jɔn Aa Chwera Tɔn 12:24

Kasinteŋ, dɛ ba ta boyubii kpɔe du o pɔh aa, waa won ya. O ɡboo dɛ do le. Dɛ he duu te naa, o dɛ le dɛ ya kɛrɛdɛ.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 5:19

Belaa Yeesu chaŋ ba ŋɔ, “Kasinteŋ, n dɛ ŋɔ he be, toma Korowii aa dɛ ɛ laanee o Bie ɡe ɛɛ ɛ, dɛkalkɛ waa won kpɔ o ɡbo liire dɛɛ ɛ ɡɛ waa dɛ nyin. Anɔ la Korowii aa dɛ ɛ laanee o Bie ɡe nyiŋi dɛɛ ɛ.

Amanesoma Jɔn Aa Chwera Tɔn 9:33

Dɛ Korowii be laa baa nɔ le ba naa, o fe aa won ɛ waa nɔ dɔŋa.”

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

Tɔn Pɔɔl Aa Chwerɛ Rom Tena 12:5

Gɛɛ ya ɡba do. Ya warɔ te, kɛ ya ne Yeesu Kristo aa pɛa nɔ, ya bwa ɛ beŋkpoŋ, ya bɛlbwa ɡe lole tɛ ya dɔŋa.

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 7:4

Yabala, Yeesu Kristo seo waa sewa la, a ɛo kɛŋɔ he ne onee pɛa sewɛ. Anomanta, he toole Mmara lɔɡa. Mmara la aa kpeɡri di he nɛɛ kpa kɛŋɔ haah jaa sewaa, waa wola toole hahmor Mmara lɔɡa kpa la. He berɔ ɛ Yeesu Kristo waa ir seo ta la nɛra, ásɛ dɛ won ɛ Korowii toma, he waa dɔ tɔnɔ o be.

1 Kɔrent 10:16

Saŋ bɛlbwa yaa pɛ so dɛɛ di kwaa dɛɛ lii Yeesu Kristo seo la, sen la yaa dɛ kpɛɛ Korowii dɛɛ nyɔ la ɡelɔ ya ne Yeesu Kristo pɛ o chal la waa ta. Paanoo yaa mɔna dɛɛ di la ɡelɔ ya ne o pɛ o bwadabii waa ta.

1 Kɔrent 12:12

Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do.

1 Kɔrent 12:27

He bwa ɛ beŋkpoŋ Yeesu Kristo bwadabii ta. He bwa pɛo dɛ ɛ o bwadabi.

2 Kɔrent 13:8

Yaa won ɛ wobɛlbwa dɛ́ jo kasinteŋ la nɛ, chae a chɛ kɛ yaa chao.

2 Kɔrent 9:10

Korowiirii dɛɛ tɛ nɛwɛnyina kondwee baa du, dɛɛ tɛ kondikwa. On dɛ tɛ heyaa kondwee haa dɛ nyin bwa, dɛ́ ɡel a le dɛ́ nɔnɛ kohona, dɛ́ ɡel he wedɛɛɡa ɛɛ ɡe won dɛɛ ja.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

1 Pita 2:4

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ,

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.