Amanesoma Jɔn Aa Chwera Tɔn 14:31 - mzwDBL

³¹ kɛ a chɛ kɛŋɔ harɛ nɔ ta nɛra bwa jemɛ kɛ n dɛ nyin n Mɛɛ la, a waa mɛɛ ɛ anɔ la bwa waa do mɛ ŋɔ ń ɛ la. Hé ir, yá le bonɔ.”

Amanesoma Jɔn Aa Chwera Tɔn 14:31 ပူးပေါင်းရင်းမြစ်များ

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Aesaya 50:5

Nemenɛ Korowii ɡelɔ mɛɛ no waa mun. N ta deŋnekpeɡ ɛɛ dɛ berɛ habɔɔ kpoo.

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Matiu 26:46

Hé ir yá kaa. Hé na, naate waa dɛ ba n lee tɛ bá kpo mɛ laanee la.”

Amanesoma Luk Aa Chwera Tɔn 12:50

Wahala ane chɔ n sie a chɛ kɛŋɔ bá do mɛ a ta kɛŋɔ ba dɛ sɔ nɛn Korowii ne aa, ba yon doo nee ta la. Dɛ n ta a ɡɛ wahala la nae tonaa, n bambile ta men sɔɔhnɛ.

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Amanesoma Jɔn Aa Chwera Tɔn 12:49

Dɛkalkɛ n ɡbabir kpeɡri ne laa mɛɛ bol waa nɔ. N Mɛɛ waa tom mɛ laanee do mɛ dɛ chaɡ mɛ ɡɛ maa bol o wa.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 15:9

Gɛ n Mɛɛ la aa dɛ nyin mɛ laanee n ɡee nyin heya. Anomanta, he bɛ he te laa kpɔ n nyina maa dɛ nyin heyaa la ta bwa.

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Felepae 2:8

Waa baa ɛ nɛwɛnyini la, o pwɛr o te dɛɛ no o Mɛɛ Korowii nyoa wobol, dɛ ɡel ba kpoo. Hale daɡaɡre ta kwaraa ba kpoo.