Amanesoma Jɔn Aa Chwera Tɔn 14:28 - mzwDBL

²⁸ N bol he be he no kɛŋɔ ‘Mɛɛ kaaloo ásɛ dɛ berɛ ba he be.’ Dɛ he fe dɛ nyin mɛ naa, he sie fe ɛɛ lɛo kɛŋɔ maa kaa n Mɛɛ be, dɛkalkɛ o ɡwaa mɛ.

Amanesoma Jɔn Aa Chwera Tɔn 14:28 ပူးပေါင်းရင်းမြစ်များ

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Yela 68:9

N Naa Korowii, he ɡelɔ bwaala nɛ kohona, dɛ sɔɔh harɛ haa kpɔa baɡɛ yaa nyoa la ta.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Matiu 12:18

O bolɔ ŋɔ, “N bonɔɔ maa leo laanee la. O waa mɛɛ nyin, asɛ n sie ɡee lɛ o nɛɛ ɡa. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Amanesoma Jɔn Aa Chwera Tɔn 10:38

Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 13:16

Kasinteŋ, n dɛ ŋɔ he be, yom ta o dɔɔ ɡwaalɛ, torome ɡe ta nɛn waa tomɔ ɡwaalɛ.

Amanesoma Jɔn Aa Chwera Tɔn 14:12

Kasinteŋ, n dɛ ŋɔ he be ŋɔ, nomɛlbwa waa yarada mɛ la, wɛɛ ɛ n we-ɛɛla dɔŋa bwa soo siwii. Wɛɛ won dɛɛ ɛ anɔ la aa ɡwaa n kwaa nɔ kwaraa, dɛkalkɛ mɛɛ berɔɔ kaa n Mɛɛ be.

Amanesoma Jɔn Aa Chwera Tɔn 14:18

N baa kaa laa, maa heyaa ta kɛ bilalbii, mɛɛ berɔɔ ba he be.

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

Amanesoma Jɔn Aa Chwera Tɔn 5:18

Gɛ waa nɔ Yeesu aa bola la ɛɛ ba bwaawee kohona dɛ ɡel baa nyinu dɛ́ kpo kwara, dɛkalkɛŋɔ dɛ Ona Tɔpere la ɡbo laa wɛɛ chɔɡ. O berɔ ŋɔ o Mɛɛ waa lolɔɔ Korowii, asɛ dɛ kpɔ o te dɛɛ maɡɔ kɛŋɔ o ne o ɛ kɛrɛdɛ.

Amanesoma Jɔn Aa Chwera Tɔn 7:33

Dɛ Yeesu dɛ bol ŋɔ, “Tɔpera anɛ bɛlee mɛɛ ba he be bonɔ soɡa. Maa biɡri ásɛ dɛ berɛ kaa naate waa tom mɛ la be.

1 Kɔrent 11:3

N dɛ nyin kɛ he jemɛ kɛŋɔ Yeesu Kristoo baa bɛlbwa nomoa, asɛ baa ɛ haah nomoa, Korowii ɡe ɛ Yeesu Kristo nomoa.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”