Amanesoma Jɔn Aa Chwera Tɔn 14:26 - mzwDBL

²⁶ Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

Amanesoma Jɔn Aa Chwera Tɔn 14:26 ပူးပေါင်းရင်းမြစ်များ

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Matiu 1:18

Kenii Yeesu Kristo lola bini waa do. Josef ne Yeesu nya Mɛɛre nɛra sɛoh ŋɔ ó kpɔɔ mo. Baa wola chɔe mɔɔ la, dɛ Mɛɛre cheɡɛ Korowii Domadɛɛɡe kpeɡri ta dɛ kpoŋe tea.

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Amanesoma Mak Aa Chwera Tɔn 12:36

Dɛkalkɛŋɔ Korowii Domadɛɛɡe fa ir Devid nɛɛ dɛ ɡel o baɡle Kristo waa dɛ ŋɔ, ‘N Naa Korowii ŋɔ n Dɔɔ be ŋɔ ó ba so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

Amanesoma Mak Aa Chwera Tɔn 13:11

Dɛ ba baa lawɛ heya, dɛ la he ne nomonome sie naa, he bɛ ɡel waa haa dɛ ba bola la hiah heya. A baa tel kɛŋɔ hé bol wa aa, hé bol wobɛlbwa aa le he nyoa la, dɛkalkɛŋɔ waa haa dɛ ba bola la aa he bee le. Korowii Domadɛɛɡe la bee aa ba lee.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 1:41

Ɛlesabɛt aa no Mɛɛre taa la, anee bie la aa lɔ o tea bini la lɔ kpeɡri nɛ, asɛ Korowii Domadɛɛɡe ba so Ɛlesabɛt nɛ.

Amanesoma Luk Aa Chwera Tɔn 1:67

Jɔn mɛɛ Sekaria ɡe la, Korowii Domadɛɛɡe baa so o nɛ, asɛ o won bol waa aa dɛ ba bala kerekere, dɛ ŋɔ,

Amanesoma Luk Aa Chwera Tɔn 11:13

Dɛ he wechɔɡ-ɛɛra nɔ kwaraa jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola nɛra baa dɛ soŋo o Domadɛɛɡe la tenee tɛo!”

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Amanesoma Luk Aa Chwera Tɔn 24:49

Kɛ hé no, n ɡbabir ɛɛ tomɛ kon n Mɛɛ aa baɡɛ heyaa nyoa laanee he be. Anomanta, hé so bwɛjen nɔ ta ka tel kɛŋɔ kpeɡri la aa le nyundua ba he be.”

Amanesoma Luk Aa Chwera Tɔn 3:22

asɛ Korowii Domadɛɛɡe do kɛŋɔ borɔnoma ken dɛ ba so o nɛ, asɛ ba no taa bɛl nyundua kɛŋɔ, “Henee n bie maa dɛ nyin he wa, he waa ɛɛ su n siwi.”

Amanesoma Jɔn Aa Chwera Tɔn 1:33

N te fe aa jemɛ kɛ onee, kɛ Korowii waa lee mɛ ŋɔ ń ba kpɔ nee dɛɛ sɔ nɛra Korowii nee laanee ɡela n jemɔ. O ŋɔ n be ŋɔ, ‘Hɛɛ na n Doma laanee o ba so naate nɛ. On dɛɛ ba n Domadɛɛɡe kpɔe dɛ sɔ nɛra la.’

Amanesoma Jɔn Aa Chwera Tɔn 12:16

Dɛ o habɔteŋra la ta o waa nɔ mun noɛ loɡla la, dɛ ka tel kɛ Korowii aa tɛo jirima mɔɔ ba ta lii kɛŋɔ ba chwerɛ o bwara waa Korowii Tɔn bini ɡɛ, asɛ ba ɛo ɡɛ kpela.

Amanesoma Jɔn Aa Chwera Tɔn 14:16

Mɛɛ soŋe n Mɛɛ Korowiirii ó berɛ tɛ heyaa Habɔchekpaa ja wɛ́ɛ cha heya, dɛ́ soŋe dɛɛ tɛ heya, ásɛ he ne o so saŋ bɛlbwa.

Amanesoma Jɔn Aa Chwera Tɔn 14:25

N ta aa lɔ he be nɔɔ mɛɛ bol ɡɛ waa nɔ he be.

Amanesoma Jɔn Aa Chwera Tɔn 15:26

Mɛɛ tomɛ Habɔchekpaa laanee o le n Mɛɛ be dɛ́ ba he be. Onee Korowii Domadɛɛɡe waa dɛ baɡle Korowii kasinteŋ waa la. Dɛ o balaa, onee dɛ́ ɛ n danseɛ.

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

Amanesoma Jɔn Aa Chwera Tɔn 2:22

Anomanta, Korowii aa ir Yeesu seo ta la, belaa o habɔteŋra la lii kɛŋɔ Yeesu fa bol a ɡɛ waa nɔ. A ɡelɔ ba yarada waa baa chwera Korowii Tɔn bini la, ne waa Yeesu aa bola la.

Amanesoma Jɔn Aa Chwera Tɔn 20:22

Waa bol ɡɛ tonɛ la, o hweero ta ba nɛɛ dɛ ŋɔ, “Hé lɛ Korowii Domadɛɛɡe la.

Amanesoma Jɔn Aa Chwera Tɔn 6:45

Ba chwerɔ do Korowii keamere tɔne bini ŋɔ, ‘Korowiirii dɛɛ ba nomɛlbwa waa baɡla.’ Anomanta, nomɛlbwa Korowii aa dɛ baɡlo o waa la asɛ wɛɛ hweli la, wɛɛ ba n bee.

Amanesoma Jɔn Aa Chwera Tɔn 7:39

Nee nɔ waa bol o waa nɔ, Korowii Domadɛɛɡe la waa ba kpɔ do nɛra baa yaradao la nɛɛ la waa o bol la. Gɛ saŋ la dɛ Korowii Domadɛɛɡe la ta balɛ mɔɔ, dɛkalkɛ dɛ Yeesu ta o jirima dɔe mɔɔ.

We-ɛɛla 1:2

ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

We-ɛɛla 1:4

Ba ne waa bera ba cheme ja la, o ŋɔ ba be ŋɔ, “He bɛ Jerusalam le mɔɔ. Hé so kpa koŋkɛɛle la maa ŋɔa n Mɛɛ baɡɛ nyoa ŋɔ wɛɛ tɛ heyaa la.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 11:16

Belaa n lii ɡɛ ya Dɔɔ fa aa ŋɔa ŋɔ, ‘Nee nee Jɔn faa sɔ nɛra Korowii ne, kɛ he te, Korowii Domadɛɛɡe nee baa ba he sɔe la.’

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 15:28

Waa ya ne Korowii Domadɛɛɡe la aa naa laanee kɛ, aa were kɛ ya ɡel hɛɛ ki komɛlbwa ka ja anɔ aa dɛ ba wona cha heyaa nɔ ta.

We-ɛɛla 15:8

Korowiirii jemɛ nomɛlbwa nyu bini, dɛ tɛɛ ba o Domadɛɛɡe ɡɛ waa tɛ yaa la, dɛ baɡle kɛ o nɛraa ba ɡe.

We-ɛɛla 16:6

Ba valɔ dɛ ka kpɔ harɛre baa dɛ yera Frejea ne Galaasia la ta, dɛkalkɛ Korowii Domadɛɛɡe la ta ban ŋwɛnɛ tɛɛ bá bol Yeesu waa la Eesia harɛ.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

We-ɛɛla 2:4

Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

We-ɛɛla 28:25

Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ, “Korowii Domadɛɛɡe cheɡɛ o keame Aesaya nɛɛ bol waa ya naawa be, dɛ kpelaa o ŋɔ. O bolɔ ŋɔ,

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

We-ɛɛla 7:55

Korowii Domadɛɛɡe aa soɡe Steeven nɛɛ kpeɡri nɛɛ nomanta, o nyiŋi nyundua dɛ na kɛŋɔ bɔr aa chaahna werwer ken Korowii be. Asɛ o na Yeesu cheɡa nomombɔr Korowii diɡ ta bela,

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

1 Kɔrent 6:19

Haa jemɛ kɛŋɔ he bwadabii ɛ Korowii Domadɛɛɡe la sobɔr kɛɛ? Korowii kpɔɔ tɛ heya, o so he nɛ. Anomanta, he laa dɔ he te. Korowiirii dɔ heya,

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

2 Kɔrent 6:6

Ya cheɡɛ ya ɡoroŋ yaa doa la ta, ne Yeesu Kristo ŋwɛnɛ la waa yaa jema, ne bambile yaa dɔa, ne ya tesom ta dɛ baɡle kɛ Korowii bonɔɔnaa yan. Ya cheɡɛ Korowii Domadɛɛɡe la yaa dɔa, ne ɡɛ yaa nyin nɛra tea bwa ne,

Ɛfesos 1:13

Baa baɡle heyaa kasinteŋ dɛ le Amanesoma la aa dɛ lɛ heyaa la ta la, he ɡba sɛoh dɛ ja beŋkpoŋri ya ne Yeesu Kristo aa ɛa la ta. Haa yarada Korowii dɛ kpɔ he te tɛo la, o kpɔ o Domadɛɛɡe tɛ heyaa ɡɛ waa baɡɛ heyaa nyoa la. O Domadɛɛɡe la lɔ ya nɛɛ dɛ ɛ nso kɛŋɔ ya ɛ Korowii nɛra.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

2 Timoti 1:14

Kpɔ Korowii Domadɛɛɡe la waa lɔ ya nɛɛ la kpeɡri lawɛ wedɛɛɡa Korowii aa kpɔa tɛɛ la bini kpoŋe kɛrɛdɛ.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Hibru 10:15

Korowii Domadɛɛɡe ɡba di danseɛ baɡle yaa. O tɔ sie ŋɔ,

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

Hibru 3:7

Anomanta, Korowii Domadɛɛɡe bolɔ ŋɔ, “Dɛ he no Korowii waa fini naa,

Hibru 9:8

Korowii Domadɛɛɡe dɛ baɡle yaa waa dɛ le ɡɛ waa nɔ ta kɛŋɔ, dɛ Korowii Tɛnte Dea la ta lole naa, Boɡoroŋ Tenten la ŋwɛnɛ ta pile mɔɔ.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 5:7

Kombele atoroo di danseɛ dɛɛ tɛ Yeesu.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”