Amanesoma Jɔn Aa Chwera Tɔn 14:24 - mzwDBL

²⁴ Nomɛlbwa waa wola men nyin la, waa n webaɡla ta teŋɛ. Waa haa dɛ no nɔ ta n be leɛ, a bwa le n Mɛɛ waa tom mɛ la be.

Amanesoma Jɔn Aa Chwera Tɔn 14:24 ပူးပေါင်းရင်းမြစ်များ

Matiu 19:21

Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Amanesoma Jɔn Aa Chwera Tɔn 14:10

Haa yarada kɛŋɔ n ne n Mɛɛ la pɛo dɛ ɛ beŋkpoŋ, o joo mɛ n ɡe joo kɛɛ? N waa maa bol la bwa ta n ɡbabir be leɛ. N Mɛɛ laanee joo mɛ asɛ mɛɛ ɛ o toma.

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Amanesoma Jɔn Aa Chwera Tɔn 14:25

N ta aa lɔ he be nɔɔ mɛɛ bol ɡɛ waa nɔ he be.

Amanesoma Jɔn Aa Chwera Tɔn 3:11

Kasinteŋ, n dɛ ŋɔ he be, waa yaa jema la, ne waa ya sie aa naa la, anee yaa bol, kɛ haa ya be no.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Amanesoma Jɔn Aa Chwera Tɔn 5:19

Belaa Yeesu chaŋ ba ŋɔ, “Kasinteŋ, n dɛ ŋɔ he be, toma Korowii aa dɛ ɛ laanee o Bie ɡe ɛɛ ɛ, dɛkalkɛ waa won kpɔ o ɡbo liire dɛɛ ɛ ɡɛ waa dɛ nyin. Anɔ la Korowii aa dɛ ɛ laanee o Bie ɡe nyiŋi dɛɛ ɛ.

Amanesoma Jɔn Aa Chwera Tɔn 5:38

he ta o waa la ɡe kpɔe do he bambile bini, dɛkalkɛ he ta nɛn waa tomɔ he be la yaradae.

Amanesoma Jɔn Aa Chwera Tɔn 7:16

Belaa o chaŋe ŋɔ, “Waa maa dɛ baɡle nɔ ta n ɡbaɡba be leɛ, a bwa le Korowii waa tom mɛ la be.

Amanesoma Jɔn Aa Chwera Tɔn 7:28

Dɛ Yeesu cheɡɛ Korowii Dea bela dɛɛ bol wa. Aa ba ɡɛ la o kpɔ takpeɡ ŋɔ, “He jem mɛ dɛ jemɛ bela maa lea. N ɡbaɡba kpeɡri ne laa n ba. Korowii waa ɛ kasinteŋ te laanee tom mɛ. Haa on jemɛ.

Amanesoma Jɔn Aa Chwera Tɔn 8:26

N fe dɔ he waa dɛ bol kohona he di bolchɔɡe a ta, kɛ maa bol. Naate waa tom mɛ la waa dɔ kasinteŋ nomanta, n wobɛlbwa maa bol nɛra be la ɛ waa aa le o be.”

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Amanesoma Jɔn Aa Chwera Tɔn 8:38

Waa n Mɛɛ aa baɡ mɛɛ mɛɛ bol he be la, asɛ he ɡe ɛɛ ɛ anɔ la he mɛɛ aa bola he no.”

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.