Amanesoma Jɔn Aa Chwera Tɔn 14:12 - mzwDBL

¹² Kasinteŋ, n dɛ ŋɔ he be ŋɔ, nomɛlbwa waa yarada mɛ la, wɛɛ ɛ n we-ɛɛla dɔŋa bwa soo siwii. Wɛɛ won dɛɛ ɛ anɔ la aa ɡwaa n kwaa nɔ kwaraa, dɛkalkɛ mɛɛ berɔɔ kaa n Mɛɛ be.

Amanesoma Jɔn Aa Chwera Tɔn 14:12 ပူးပေါင်းရင်းမြစ်များ

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Amanesoma Mak Aa Chwera Tɔn 11:13

O na fiɡ bɛl bojaŋ dɛ o moɡɛ papooni sukuu ken, dɛ fe la o mun ŋɔ o ken fe ɛɛ dɔ o nɔna anee di kɛɛ? Waa tel bela la dɛ papooni ɡboo tɔ daa la bwa, dɛkalkɛŋɔ dɛ pure nɔna ta tele mɔɔ.

Amanesoma Mak Aa Chwera Tɔn 16:17

Nɛra baa yarada n waa la ɛɛ ɛ wejenaa, ásɛ nɛra na dɛ́ jemɛ kɛŋɔ n nɛraa ban. Baa dɔ kpeɡrii dɛ́ won che n sɔn ta dɛɛ doŋi kwaa aa dɛ ir nɛra nɛ. Korowii Domadɛɛɡe ɛɛ ir ba nɛɛ baa bol wobofala.

Amanesoma Jɔn Aa Chwera Tɔn 14:28

N bol he be he no kɛŋɔ ‘Mɛɛ kaaloo ásɛ dɛ berɛ ba he be.’ Dɛ he fe dɛ nyin mɛ naa, he sie fe ɛɛ lɛo kɛŋɔ maa kaa n Mɛɛ be, dɛkalkɛ o ɡwaa mɛ.

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

Amanesoma Jɔn Aa Chwera Tɔn 4:37

Baa ŋɔa, ‘Bɛlee dɛɛ du, bɛl ɡe ɛɛ komɛ’ la, kpelaa.

Amanesoma Jɔn Aa Chwera Tɔn 5:20

Dɛkalkɛ Korowii dɛ nyin o bie asɛ dɛɛ baɡlo o we-ɛɛla dɔŋa wɛɛ ɛ. Anomanta, wɛɛ baɡloo wɛɛ ɛ wejena aa ɡwaa anɔ kwara ásɛ a ɛ heyaa nyokpoa.

Amanesoma Jɔn Aa Chwera Tɔn 7:33

Dɛ Yeesu dɛ bol ŋɔ, “Tɔpera anɛ bɛlee mɛɛ ba he be bonɔ soɡa. Maa biɡri ásɛ dɛ berɛ kaa naate waa tom mɛ la be.

Amanesoma Jɔn Aa Chwera Tɔn 7:39

Nee nɔ waa bol o waa nɔ, Korowii Domadɛɛɡe la waa ba kpɔ do nɛra baa yaradao la nɛɛ la waa o bol la. Gɛ saŋ la dɛ Korowii Domadɛɛɡe la ta balɛ mɔɔ, dɛkalkɛ dɛ Yeesu ta o jirima dɔe mɔɔ.

We-ɛɛla 10:46

dɛ ɡel baa bol wobofala dɛɛ jam Korowii la. Belaa Pita ŋɔ,

We-ɛɛla 16:18

Tɔpera aŋwɛnɛ bwa dɛ ɡɛɛ wɛɛ ɛ, anomanta, a baa pe Pɔɔl, asɛ o berɛ habɔɔ dɛ kpɔ bandia ŋɔ kwaa la aa dɛ ir yomhaah la nɛɛ la be ŋɔ, “Yeesu Kristo sɔn ta, hé le o nɛ!” Buɡ la ta, dɛ kwaa la le o nɛ.

We-ɛɛla 19:12

Dɛ nɛra kpɔ dukure ne yakwane waa leɡa dɛɛ la weela tena be, asɛ ba weelare ɛɛ le ba nɛ, asɛ ba bini banɔ la kwaa aa dɛ ir ba nɛɛ la ɡe kwaa la ɛɛ le ba nɛ.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 4:16

“Aah ɛrɛ tenee yaa ba baala nɔ ɛɛ yɔ? Jerusalam tena bwa nao dɛ jemɛ kɛŋɔ nyokpowaa ba ɛ ɡɛ nɔ. A te ta tɔŋla dɔe.

We-ɛɛla 4:33

Kpeɡri tenten nee Yeesu toroma la di o seo ta ira la danseɛ. Asɛ Korowii cha ba, dɛ ɡel o nyanyini ba so ba nɛ kohona.

We-ɛɛla 4:4

Nɛra baa lɔ bela dɛɛ no waa la dɛ yaradaa warɔ. Dɛ baala baa yarada waa la lɔ nɛra kaɡboŋa banue.

We-ɛɛla 5:15

Nɛra koh Yeesu toroma la toma baa dɛ ɛ la wa, dɛ che weela tena ne ba mpare ne ba kalaŋre ba bil ŋwɛnɛ nyoa, ásɛ dɛ Pita ba dɛ kaa laa, o lileo dawɛ bane nɛɛ ásɛ ba ɡbaŋre.

We-ɛɛla 6:7

Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

We-ɛɛla 8:7

dɛkalkɛŋɔ o wono doŋi kwaa aa dɛ ir nɛra la kɛrɛdɛ nɛɛ ta. Aa dɛ le la, dɛ a dɛ dooɡe lɔŋɔre. Felep chah nɛra ba bobɛla aa serewa ne boobie ɡe ja,

We-ɛɛla 9:34

Pita ŋɔ o be ŋɔ, “Aeneas, Yeesu Kristo chaeh. Ir che dɛ́ ɡuɡri he kalaŋ buɡ nɔ ta.” Buɡ la ta, dɛ Aeneas iro che.

We-ɛɛla 9:40

Pita doŋi ba bwa le buse dɛ ɡuŋi harɛ, dɛ soŋe Korowii, dɛ berɛ sie lale la be dɛ ŋɔ, “Tabita, ir!” Haah la pili o sie. Waa na Pita la, o iro so.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.