Amanesoma Jɔn Aa Chwera Tɔn 14:1 - mzwDBL

¹ Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 14:1 ပူးပေါင်းရင်းမြစ်များ

Yela 43:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee ɛ n Lɛɛ.

Yela 77:10

Asɛ n ŋɔ, “Waa aa dɛ ha mɛ kohona laanee kɛ, Nemenɛ Korowii ta kpeɡri dɔe dɛ́ won lɛ yaa kpa kɛɛ?”

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Jeremia 8:18

N bambile chɔɡɔ kohona, asɛ n loo ku.

Amanesoma Jɔn Aa Chwera Tɔn 11:33

Yeesu aa na ɡɛ waa dɛ wi asɛ Juu tena baa teŋɛ o nɛɛ la ɡe ɛɛ wi la, o loo kuu asɛ chal valɛ o bwara bini.

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Amanesoma Jɔn Aa Chwera Tɔn 12:44

Belaa Yeesu kpɔ takpeɡ dɛ ŋɔ, “Nomɛlbwa waa yarada mɛ la, n laa wɛɛ yarada. Naate waa tom mɛ laanee wɛɛ yarada la.

Amanesoma Jɔn Aa Chwera Tɔn 13:19

N pu sie dɛɛ baɡle heyaa mɔɔ ásɛ dɛ ɡɛ waa nɔ baa ba naa, he jemɛ dɛ́ yarada kɛ menee Kristo la.

Amanesoma Jɔn Aa Chwera Tɔn 16:24

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

Amanesoma Jɔn Aa Chwera Tɔn 16:6

Maa bol ɡɛ waa nɔ he be nomanta, he tea bini chɔɡɔ.

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

2 Kɔrent 2:7

A chɛ kɛ he kpɔ o wechɔɡa kɛo name, dɛɛ doo ɡbemba. Gɛ laa, o tea bini chɔɡɔ kohona aa, wɛɛ horɔɔ.

Ɛfesos 1:15

A waa ɡela maa no he yarada haa dɛ yarada ya Dɔɔ Yeesu Kristo dɛ kpɔ he te tɛo dɛɛ nyin Korowii nɛra ba wa aa toɡra bwa la,

2 Tesalonika 2:2

hɛ́ɛ lii a waa kɛrɛdɛ. Maa nyin nomɛlbwa bol wetamaa ane, ásɛ he den ɔmɛ dɛɛ lii kɛŋɔ ya Dɔɔ balɔ kaa. Dɛ ba ŋɔ Korowii Domadɛɛɡe baɡ ba ɡɛ baa bol, kɛɛ dɛ he na tɔn bɛl o neɡre heyaa kɛŋɔ yanee chwerɔ waa, he bɛ no dɛ́ ɡel a ɛ heyaa waane.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.