Amanesoma Jɔn Aa Chwera Tɔn 13:9 - mzwDBL

⁹ Anee o berɛ ŋɔ, “N Dɔɔ, amɔ dɛ ɡɛɛ te naa, bɛ n nakpale ɡbo sarame ɔ. Den sarame n nɔɔra ne n nyu bwa ja.”

Amanesoma Jɔn Aa Chwera Tɔn 13:9 ပူးပေါင်းရင်းမြစ်များ

Yela 26:6

N Naa Korowii, n sarame nɔɔra, a baɡle kɛ n ta bolchɔɡe bɛlbwa dii, dɛ ka valɛ bar he saraha kon la dɛɛ tomɛ.

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Matiu 27:24

Nomoa Paelet aa naa kɛ dɛ o ŋɔ o saɡɛ waa la ta naa, waa aa ba la aa wer doe ba la, o ɛ nee dɛ samɛ o nɔɔra nɛnlaa la bwa sie dɛ ŋɔ, “N laa dɛɛ do heyaa ŋɔ hé kpo nɛndɛɛɡe nɔ. He ɡbaɡbaa dɛɛ ɛ he wa!”

Amanesoma Jɔn Aa Chwera Tɔn 13:10

Anee Yeesu ŋɔ, “Nɛn waa sɔ nee la, dɛ nakpale laa o ba sarame aa, waa berɛ sɔ nee kpa, dɛkalkɛ doŋa toole o nɛ. Anomanta, doŋa toole he bɛlbwa nɛ, nemenɛ he bini beŋkpoŋ.”

Amanesoma Jɔn Aa Chwera Tɔn 13:8

Asɛ o berɛ ŋɔ, “Akai! Maa sɛh he sarame n nakpale bwa.” Belaa Yeesu ŋɔ, “Dɛ he ta ɡelɛ n sarame he nakpale aa, amɔ n ne he toole wobɛlbwa bini kpa.”

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.