Amanesoma Jɔn Aa Chwera Tɔn 13:8 - mzwDBL

⁸ Asɛ o berɛ ŋɔ, “Akai! Maa sɛh he sarame n nakpale bwa.” Belaa Yeesu ŋɔ, “Dɛ he ta ɡelɛ n sarame he nakpale aa, amɔ n ne he toole wobɛlbwa bini kpa.”

Amanesoma Jɔn Aa Chwera Tɔn 13:8 ပူးပေါင်းရင်းမြစ်များ

Mumpar 42:38

Ate Jekɔb ŋɔ, “Maa sɛh he kpɔ n bie nɔ kaa, o dɔɔ toole, o ɡboo kaa. N ɡe hwɛɛhrɔ tonɛ. Wobɛlbwa kaa ɛo ŋwɛnɛ ta bela haa dɛ kaa nɔ naa, n ne n tebinichɔɡee dɛɛ ba sewa.”

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

1 Koranar 12:16

Nɛra baa ja Kooro Jɛroboam nɛ aa naa kɛŋɔ kooro la ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Sekaria 13:1

Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Matiu 16:22

Anee Pita lawɔ le bokɛre dɛ kaoh ŋɔ, “Aa! N Dɔɔ, Korowii ɛɛ la a ne bojaŋ. Aa he nɛɛ ɡɛɛ ba bwa.”

Matiu 21:29

‘Maa la,’ asɛ a habɔɔ la, o berɛ charɛ o liire dɛ ka ɛ toma koo la ta.

Matiu 26:33

Anee Pita ŋɔ, “Dɛ n bala nɔ bwa chwao ɡele naa, n te aa chwa ɡele bwa.”

Matiu 26:35

Anee Pita ŋɔ, “Dɛ seo kwaraa yaa, n ne hɛɛ sewɔɔ, kɛ maa tɔh ŋɔ maa hen jemɛ bwa.” Asɛ Yeesu habɔteŋra baa jaa la bwa ɡe bol ɡɛ.

Amanesoma Jɔn Aa Chwera Tɔn 13:6

Waa baa tel Seemɔn Pita be la, anee Seemɔn Pita pɛɛro ŋɔ, “N Dɔɔ, n nakpalee hɛɛ ba sarama aa?”

Amanesoma Jɔn Aa Chwera Tɔn 13:9

Anee o berɛ ŋɔ, “N Dɔɔ, amɔ dɛ ɡɛɛ te naa, bɛ n nakpale ɡbo sarame ɔ. Den sarame n nɔɔra ne n nyu bwa ja.”

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

We-ɛɛla 22:16

Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Kolosi 2:23

Kpela, nɛra ɛɛ dɛɛ duu nɛra baa dɛ teŋɛ ɡɛ waa nɔ ta la kɛ ba ɛ wejerema, dɛɛ lii kɛŋɔ ba Korowii toma aa swɛɛ ba siwi kohona waa baa pwɛr ba te dɛɛ ha ba bwadabii la. Kɛ a bwa ɛ pɛɛpɛɛ. Aa won ɡel nomɛlbwa lawɛ o te dɛ́ ɡel wechɔɡa ɛɛ.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.