Amanesoma Jɔn Aa Chwera Tɔn 13:19 - mzwDBL

¹⁹ N pu sie dɛɛ baɡle heyaa mɔɔ ásɛ dɛ ɡɛ waa nɔ baa ba naa, he jemɛ dɛ́ yarada kɛ menee Kristo la.

Amanesoma Jɔn Aa Chwera Tɔn 13:19 ပူးပေါင်းရင်းမြစ်များ

Aesaya 41:23

Hé ɡel a baɡle yaa waa aa lɔ le kerekere, ásɛ ya jemɛ kɛ a ɛ voɡa kpela. Hé ɡel á ɛ waa aa ɛ wedɛɛɡa kɛɛ wechɔɡa ásɛ ya bwara yɔr ya ɔmɛ.

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Aesaya 48:5

A waa ɡela n bol waa aa dɛ ba bala kerekere la, dɛ bol waa aa dɛ ba chiɡa mɔɔ á chiɡ, ásɛ he bɛ ba ŋɔ he voɡaa ɡela a chiɡ.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Matiu 11:3

ŋɔ bá ka pɛɛro ŋɔ, “Henee nɛn Korowii aa baɡɛ nyoa ŋɔ wɛɛ ɡeloo o ba la aa, kɛɛ he laa, ásɛ yaa nyiŋi naate habɔɔ?”

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Amanesoma Luk Aa Chwera Tɔn 21:13

Belaa hɛɛ ba ŋwɛnɛ dɔe dɛ́ bol Amanesoma la baɡ ba.

Amanesoma Jɔn Aa Chwera Tɔn 1:15

O waa Jɔn faa bol kohona dɛɛ ŋɔ, “Nɛn n fa aa dɛ bol o waa dɛ ŋɔ men tɔ sie o nɛɛ kɛ o ɡwaa mɛ, dɛkalkɛŋɔ o lole mɔɔ ba lol mɛ la, on la.”

Amanesoma Jɔn Aa Chwera Tɔn 14:29

N pu sie dɛɛ bol he be mɔɔ a ba ɛ ɡɛ, ásɛ dɛ a ɛ ɡɛ naa, hé yarada mɛ.

Amanesoma Jɔn Aa Chwera Tɔn 16:4

N bol waa nɔ he be, ásɛ dɛ a baa ba ɡɛ naa, he won lii dɛ́ jemɛ kɛŋɔ n fa bol he be. N ta aa lɔ he be la waa maa wola he be bolɛ chɔɔ bwa la.”

Amanesoma Jɔn Aa Chwera Tɔn 4:26

Asɛ Yeesu ŋɔ, “Onee he ne wɛɛ bol waa la. Kristo laanee men.”

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”