Amanesoma Jɔn Aa Chwera Tɔn 13:1 - mzwDBL

¹ Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 13:1 ပူးပေါင်းရင်းမြစ်များ

Sɛɡla 8:31

Asɛ n sie lɛ toma yaa pɛa ɛ la ta, n tea too nɛwɛnyina bwa nɛ.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Matiu 26:45

O berɔ ba o habɔteŋra la be dɛ ba pɛɛ ba ŋɔ, “Domii he chɔ dɛɛ onaa? Saŋ baa dɛ ba Men Nɛn Bie la kpɔe do wechɔɡ-ɛɛra nɔn ta la telo.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Luk Aa Chwera Tɔn 22:53

N ne haa lɔ Korowii Dea tɔpere bɛlbwa la, ɛrɛɛ haa wola men lawɛ bela ɔ? Taraken nɔ bɔr aa bira nɔ he dɔ ŋwɛnɛ kɛ he ba laɡ mɛ.”

Amanesoma Luk Aa Chwera Tɔn 9:51

Tɔpere aa dɛ tel kɛ Korowii kpɔ Yeesu kaa o be nyundua la, Yeesu kpɔ o te, dɛ den chiɡ ŋwɛnɛ ta dɛ pa sie dɛɛ kaa Jerusalam.

Amanesoma Jɔn Aa Chwera Tɔn 11:55

Juu tena Galekaa Tɔpejen la aa dɛ tel la, nɛra kɛrɛdɛ le ba bwɛɛre ta dɛ kaa Jerusalam dɛ kaa ɛ we-ɛɛla ane dɛ́ laa doŋa kpɔ ba nɛɛ dɛ́ won di tɔpere la.

Amanesoma Jɔn Aa Chwera Tɔn 12:23

Anee o chaŋ ba ŋɔ, “Men Nɛn Bie la tɔpere telo kɛŋɔ Korowii tɛ mɛ jirima.

Amanesoma Jɔn Aa Chwera Tɔn 13:29

Dɛ Judasee chɔ ba suuɡa bwa nyoa. Anomanta, dɛ ba bini bane dɛ lii kɛ Yeesu ken dɛ ŋɔ o be ŋɔ ó ka nyin tɔpejen la kondikwa. Dɛ ɡɛ laa ɡe aa, amɔ o ken ŋɔ ó ka tɛ nyaara suuɡa.

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

Amanesoma Jɔn Aa Chwera Tɔn 14:28

N bol he be he no kɛŋɔ ‘Mɛɛ kaaloo ásɛ dɛ berɛ ba he be.’ Dɛ he fe dɛ nyin mɛ naa, he sie fe ɛɛ lɛo kɛŋɔ maa kaa n Mɛɛ be, dɛkalkɛ o ɡwaa mɛ.

Amanesoma Jɔn Aa Chwera Tɔn 14:31

kɛ a chɛ kɛŋɔ harɛ nɔ ta nɛra bwa jemɛ kɛ n dɛ nyin n Mɛɛ la, a waa mɛɛ ɛ anɔ la bwa waa do mɛ ŋɔ ń ɛ la. Hé ir, yá le bonɔ.”

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 17:1

Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.

Amanesoma Jɔn Aa Chwera Tɔn 17:16

Gɛ maa wola nɛra baa dɔ harɛ nɔ ta ɡbo liire nɛɛ jae la, ɡɛɛ ba ɡe aa wola ba nɛɛ jae.

Amanesoma Jɔn Aa Chwera Tɔn 17:26

N ɡelɔ ba jemɛ, mɛɛ ɡeloo baa jemɛ, ásɛ ba won dɛɛ nyin dɔŋa ɡɛ haa dɛ nyin mɛ la, ásɛ n ne ba won pɛ.”

Amanesoma Jɔn Aa Chwera Tɔn 17:5

Anomanta, n Mɛɛ, maa cheɡɛ he sie taraken nɔ, tɛ mɛ jirima n ne haa dɔa wubwa mɔɔ dɛ ta harɛ nɔ la.

Amanesoma Jɔn Aa Chwera Tɔn 18:4

Dɛ Yeesu jemɛ waa aa dɛ ba o nɛɛ chiɡa bwa, anomanta, o leɔ ka chem ba, asɛ dɛ bɔɔ ba ŋɔ, “Ume bɔree hɛɛ nyin ɔ?”

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

Amanesoma Jɔn Aa Chwera Tɔn 2:13

Dɛ Juu tena tɔpejen baa dɛ yerɔ Galekaa la joɔ tonɛ, anomanta, Yeesu la Jerusalam.

Amanesoma Jɔn Aa Chwera Tɔn 6:4

Dɛ a ka tama Juu tena tɔpejen bɛl baa dɛ yerɔ Galekaa la tel.

Amanesoma Jɔn Aa Chwera Tɔn 7:30

Anɔ nomanta, ba fe dɛ lawɔ, asɛ ba ta wone, dɛkalkɛ dɛ o tɔpere ta tele mɔɔ.

Amanesoma Jɔn Aa Chwera Tɔn 7:6

Yeesu ŋɔ ba be ŋɔ, “He te, tɔpere bɛlbwa wer tɛ heyaa kɛ he la bela, kɛ n te tɔpere ta tele mɔɔ.

Amanesoma Jɔn Aa Chwera Tɔn 8:20

Korowii Dea suuɡa tae dakare bɔr belaa Yeesu do dɛɛ baɡle waa dɛ bol ɡɛ waa nɔ. Bɛlbwa ta wone lawɔ, dɛkalkɛ dɛ o tɔpere ta tele mɔɔ.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 6:11

Ya dɛ nyin kɛŋɔ he bɛlbwa swɛɛ siwi ɡɛ dɛ́ ka tonɛ, ásɛ dɛ won dɔ kon haa dɛ hwɛɡɛ o ta la.

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.