Amanesoma Jɔn Aa Chwera Tɔn 12:44 - mzwDBL

⁴⁴ Belaa Yeesu kpɔ takpeɡ dɛ ŋɔ, “Nomɛlbwa waa yarada mɛ la, n laa wɛɛ yarada. Naate waa tom mɛ laanee wɛɛ yarada la.

Amanesoma Jɔn Aa Chwera Tɔn 12:44 ပူးပေါင်းရင်းမြစ်များ

Sɛɡla 1:20

Wejema do kɛ haah dɛ do fɔɡbaahna dɛɛ yerɛ, o taa cheɡɛ chiŋ yawa baahna.

Sɛɡla 8:1

Hɛɛ no, wejema do kɛŋɔ haah dɛɛ yerɛ, o do kɛŋɔ nɛn waa dɔ liire, dɛɛ no waa mun, o taa che chiŋ.

Matiu 10:40

Nomɛlbwa waa nyiŋi he nɛɛ la, menee o nyiŋi la. Asɛ nomɛlbwa waa nyiŋi n nɛɛ la, naate waa tom mɛ laanee o nyiŋi la.

Amanesoma Mak Aa Chwera Tɔn 9:23

Anee Yeesu ŋɔ, “Mɛɛ wonoo chaoh waa, a lɔ he be. Nɛn waa yarada Korowii la, Korowii won wobɛlbwa ɛɛ dɛ́ tɛo.”

Amanesoma Mak Aa Chwera Tɔn 9:37

“Nomɛlbwa waa koh n waa dɛ nyiŋi bie nɔ dɔŋ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ n ɡbo laa o nyiŋi. Dɛ naate waa tom mɛ la nɛɛ o nyiŋi la.”

Amanesoma Jɔn Aa Chwera Tɔn 11:43

Waa bol ɡɛ tonɛ la, o kpɔ takpeɡ dɛ yerɛ lale la ŋɔ, “Lasorɔs, le ba!”

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 7:28

Dɛ Yeesu cheɡɛ Korowii Dea bela dɛɛ bol wa. Aa ba ɡɛ la o kpɔ takpeɡ ŋɔ, “He jem mɛ dɛ jemɛ bela maa lea. N ɡbaɡba kpeɡri ne laa n ba. Korowii waa ɛ kasinteŋ te laanee tom mɛ. Haa on jemɛ.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.