Amanesoma Jɔn Aa Chwera Tɔn 12:32 - mzwDBL

³² Men, baa ɡɔɔ mɛ nyundua le harɛ nɔ ta. Ba baa ɡɔɔ mɛ naa, mɛɛ tɛr nɛra bwaa ba n be.”

Amanesoma Jɔn Aa Chwera Tɔn 12:32 ပူးပေါင်းရင်းမြစ်များ

2 Samoɛl 18:9

Absalɔm soɡe keeɡo bie ta dɛ den cheme kooro laa tena la, dɛ keeɡo la dɛ jo dajen bɛl lɔɡa, asɛ Absalɔm nyu ka karɛ daa la kpala ta. O saɡɛ daa la ta, asɛ keeɡo la na tɛr do dɛɛ kaa.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Hosia 11:4

Nyinaa n kpɔ laɡ ba ba n be, dɛ kpɔ ba chwaa. N laa koeh aa dawɛ ba nɛɛ la kpɔ, asɛ dɛ ba harɛ dɛ pa ba kondikwa.

Nɛra Kura 21:9

Asɛ Mosis kpɔ ayaawa ɛ harɛkon la bɛl, dɛ kpɔ saɡɛ dajaŋ ta. Dɛ harɛkon choɡe ba bini bɛlbwa o nyiŋi dajaŋ kon la aa, dɛ o dɔ o nyu.

Amanesoma Jɔn Aa Chwera Tɔn 1:7

ŋɔ ó ba bol nii la waa dɛ chaah nɛwɛnyini sie la waa nɛra be, ásɛ ba no dɛ yarada.

Amanesoma Jɔn Aa Chwera Tɔn 12:34

Belaa nɛnlaa la chaŋe ŋɔ, “Ya noɔ Korowii Tɔn la ɛɛ baɡle kɛŋɔ dɛ Kristo la balaa, waa sewɛ bwa. Aah, ɛrɛɛ he te berɛ ŋɔ Nɛn Bie la chɛ kɛŋɔ bá saɡɔ nyundua ɔ? Umee Nɛn Bie nɔ kwaraa te nɔ?”

Amanesoma Jɔn Aa Chwera Tɔn 18:32

Gɛ waa nɔ chiɡo ásɛ nɛra jemɛ kɛ Yeesu waa waa bola dɛ baɡle seo la soo waa dɛ ba sewa la ɛ kpela.

Amanesoma Jɔn Aa Chwera Tɔn 19:17

Ba kpɔ Yeesu le koodem bela dɛ ɡel o che daɡaɡre baa dɛ ba o kpaara pɛl o ta la, dɛ ba tel bobɛl baa dɛ yerɛ bela Nyuhoɡ Bɔr, asɛ Juu tena wobol ta, ba ɡe ɛɛ yerɛ bela Gɔlɡɔta.

Amanesoma Jɔn Aa Chwera Tɔn 3:14

Gɛ saŋ ya naawa aa lɔ pua hɛŋle ɡbo harɛ ta la, Korowii keame Mosis la fa kpɔ buni dɛ loɡɛ harɛkon dɛ kpɔ do daa ta dɛ ɡɔɔro ásɛ nɛra nyiŋu dɛ bɛ dɛɛ sewɛ. Gɛɛ a chɛ kɛ ba ɡɔɔ Men Nɛn Bie la.

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

1 Timoti 2:6

waa kpɔ o te tɛ kɛŋɔ ba kpɔɔ charɛ nɛra bwa nyu la. Gɛ saŋ aa chɛ kɛŋɔ waa nɔ maɡre la taa a den chiɡ la. O ɛ ɡɛ a ɛ danseɛ dɛ chɔ le saŋ bɛlbwa.

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,