Amanesoma Jɔn Aa Chwera Tɔn 12:23 - mzwDBL

²³ Anee o chaŋ ba ŋɔ, “Men Nɛn Bie la tɔpere telo kɛŋɔ Korowii tɛ mɛ jirima.

Amanesoma Jɔn Aa Chwera Tɔn 12:23 ပူးပေါင်းရင်းမြစ်များ

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 26:45

O berɔ ba o habɔteŋra la be dɛ ba pɛɛ ba ŋɔ, “Domii he chɔ dɛɛ onaa? Saŋ baa dɛ ba Men Nɛn Bie la kpɔe do wechɔɡ-ɛɛra nɔn ta la telo.

Amanesoma Mak Aa Chwera Tɔn 14:35

Asɛ o la sie tama dɛ ka pi harɛ, dɛ soŋe Korowii ŋɔ a fe ɛɛ maɡroo waa, waa aa dɛ ba la fe bɛ o nɛɛ chiɡ.

Amanesoma Mak Aa Chwera Tɔn 14:41

Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo.

Amanesoma Jɔn Aa Chwera Tɔn 12:16

Dɛ o habɔteŋra la ta o waa nɔ mun noɛ loɡla la, dɛ ka tel kɛ Korowii aa tɛo jirima mɔɔ ba ta lii kɛŋɔ ba chwerɛ o bwara waa Korowii Tɔn bini ɡɛ, asɛ ba ɛo ɡɛ kpela.

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 7:39

Nee nɔ waa bol o waa nɔ, Korowii Domadɛɛɡe la waa ba kpɔ do nɛra baa yaradao la nɛɛ la waa o bol la. Gɛ saŋ la dɛ Korowii Domadɛɛɡe la ta balɛ mɔɔ, dɛkalkɛ dɛ Yeesu ta o jirima dɔe mɔɔ.