Amanesoma Jɔn Aa Chwera Tɔn 11:44 - mzwDBL

⁴⁴ Asɛ o ir dɛ le bɔɔ la bini. Dɛ yal baa kpɔa vɔrɔwe o nakpale ne o nɔɔra la ta vɔwɔ ɡɛ, asɛ botire ɡe vɔwɛ o nyu. Anee Yeesu ŋɔ ba be ŋɔ, “Hé pur laala la bwa ásɛ o kaa.”

Amanesoma Jɔn Aa Chwera Tɔn 11:44 ပူးပေါင်းရင်းမြစ်များ

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.

Amanesoma Jɔn Aa Chwera Tɔn 20:7

dɛ na yapoŋ baa kpɔa vɔwɛ o nyu la kɛŋɔ waa ɡula chɔ pera.

Felepae 3:21

Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Luk Aa Chwera Tɔn 7:15

Belaa bonɔɔ la fuɡri ir so, dɛ den dɛɛ bol wa. Asɛ Yeesu ŋɔ haah la be ŋɔ, “He biee la.”

1 Samoɛl 2:6

Hen Korowiirii dɛɛ kpo, dɛ́ berɛ tɛ mkpa, henee ɡela nɛra sewɛ baa huɡ ba, dɛ́ berɛ ir dɛ́ dɔ mkpa.

Mumpar 1:3

Belaa Korowii ŋɔ, <> Asɛ bɔr chaah.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Amanesoma Jɔn Aa Chwera Tɔn 19:40

Ba nɛra banɛ la kpɔ Yeesu lale la, dɛ kpɔ konsɔɔhsoma la fɔɡlo, dɛ kpɔ yapoŋ vɔrɔwo, ɡɛ Juu tena aa dɛ ɛ ba lala dɛɛ huɡ ba la.

Amanesoma Mak Aa Chwera Tɔn 5:43

Yeesu kah ba ŋɔ ba bɛ ɡel nomɛlbwa no, kɛ bá nyin kwaa tɛ bie la ó di. Gɛ saŋ la dɛ bie la dɔ bene fi dɛ anɛ.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Amanesoma Jɔn Aa Chwera Tɔn 20:5

O boŋɔ haah dɛ na yapoŋ la chɔe, kɛ o ta lalbɔɔ la bini tenten joɛ.

Amanesoma Jɔn Aa Chwera Tɔn 11:39

Yeesu ŋɔ ba be ŋɔ, “Hé laa bwe la ɡbili le bɔɔ la nyoa.” Belaa Maata waa ɛ Lasorɔs nimambie la ŋɔ o be ŋɔ. “N Dɔɔ, taraken o ken ka chɔɡɔ dɛ do sɔɔh, dɛkalkɛ o tɔpera anaarɛɛ la.”

Amanesoma Luk Aa Chwera Tɔn 19:20

Asɛ bɛl ɡe ba dɛ ba ŋɔ, ‘Nomoa, suuɡaswɛm bwe haa tɛ mɛ laanee la. N kpɔɔ vɔwɛ duku ta dɛ kpɔ sɔh.

Amanesoma Jɔn Aa Chwera Tɔn 11:43

Waa bol ɡɛ tonɛ la, o kpɔ takpeɡ dɛ yerɛ lale la ŋɔ, “Lasorɔs, le ba!”