Amanesoma Jɔn Aa Chwera Tɔn 11:38 - mzwDBL

³⁸ Belaa Yeesu loo ku, chal valɛ o bwara bini ja, asɛ ba la bela Lasorɔs aa chɔa la. O bɔɔ la, bwee ba komɛ dɛ ɡbili bwe tɔ o nyoa.

Amanesoma Jɔn Aa Chwera Tɔn 11:38 ပူးပေါင်းရင်းမြစ်များ

Mumpar 23:19

A habɔɔ la, Abraham huɡe o haah Saara bwebɔɔ la ta. Belaa baa yerɛ Hɛbrɔn, o do Keenan harɛ ta la.

Aesaya 22:16

‘Henee umeo? Umee tɛɛ ŋwɛnɛ ŋɔ hé pɛɡre bwe, dɛ́ kpɔ bela ɛ he lalbɔɔ, asɛ hɛɛ ɛo bodɛɛɡe dɛ́ kpɔ bela ɛ he chɔɔbɔr nɔɔ?

Ɛsekeɛl 21:6

Anomanta, Nɛwɛnyini bie, ɡel he bambile chɔɡ he loo ku kohona hɛɛ hime, ásɛ nɛra bwa nae.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Matiu 27:60

dɛ kpɔɔ ka huɡe lalbɔɔ o ɡbaɡba aa forɛ bwe bɛl ta o do kɛŋɔ dea ken baa wola nomɛlbwa o bini huɡe mɔɔ la, dɛ ɡbili bwejen bɛl tɔ o nyoa, asɛ dɛ le bela kaa.

Matiu 27:66

Anee ba ka ɛ ɡɛ baa ɛ bwa nɛn bɛ won ka ŋwɛ lale la. Ba kaa maa lalbɔɔ la ne bwe la baa kpɔa tɔ o nyoa la bobɛl pɛ ɡɛ aa ɛ dɛ nomɛl ŋwɛo jo bɔɔ la bini naa, ba won jemɛ, asɛ dɛ berɛ kpɔ soojare so bela ŋɔ báa daah bela.

Amanesoma Mak Aa Chwera Tɔn 15:46

Asɛ Josef yawɛ yapoŋ dɛ ka laa Yeesu kpɔ daɡaɡre la doa dɛ kpɔ yapoŋ la fɔrɔwo dɛ huɡo. Bwebɔɔ bɛl baa kwiu kɛŋɔ dea binii ba huɡo, dɛ ɡbili bwe tɔ bɔɔ la nyoa.

Amanesoma Mak Aa Chwera Tɔn 8:12

Yeesu hweero fuuu dɛ ŋɔ, “Ɛrɛɛ fini nɔ nɛra ɛɛ nyin nyokpowaa dɛ́ na nɔɔ? Kasinteŋ, maa wobɛlbwaa ɛ fini nɔ nɛra na.”

Amanesoma Luk Aa Chwera Tɔn 24:2

dɛ ka na kɛŋɔ nomɛl ɡbili bwe baa kpɔa tɔ bɔɔ la le o nyoa,

Amanesoma Jɔn Aa Chwera Tɔn 11:33

Yeesu aa na ɡɛ waa dɛ wi asɛ Juu tena baa teŋɛ o nɛɛ la ɡe ɛɛ wi la, o loo kuu asɛ chal valɛ o bwara bini.

Amanesoma Jɔn Aa Chwera Tɔn 20:1

Tomun aa dɛ kpɔ Kwasiara waa ɛ tɔpeloɡle la, Mɛɛre waa le Maɡdala la la bela baa huɡe Yeesu la, dɛ ka na kɛŋɔ bwe baa kpɔa tɔ bɔɔ la nyoa la le o nyoa.