Amanesoma Jɔn Aa Chwera Tɔn 11:19 - mzwDBL

¹⁹ Asɛ Juu tena warɛ dɛ ba Maata ne Mɛɛre be dɛ baa bwɛɛ ba ba nimambie la seo wa.

Amanesoma Jɔn Aa Chwera Tɔn 11:19 ပူးပေါင်းရင်းမြစ်များ

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

2 Samoɛl 10:2

Anee Kooro Devid lii ŋɔ, “Mɛɛ kpɔ Kooro Nahas bibaa Hanun daramee, ɡɛ n ne o mɛɛ fa aa kpɔ darame la.” Anomanta, kooro tomɛ toroma o be ba ka bwɛɛlo o mɛɛ seo wa. Toroma la aa tel Kooro Hanun be Amɔn tena harɛ ta la,

1 Webena 10:12

ba bini banyoola laŋɔ ka kpɔ Kooro Sɔɔl ne o bibaala baa kpoo ba, dɛ ba ba ne Jabes. Ba huɡ ba dajen bɛl mun bela, dɛ vɔwɛ nyoa tɔpera anuanɛ.

Job Tɔn 2:11

Dɛ Job dɔ daamanar batoro bane. Bɛlee Teman te Elifas, ne Bildad waa le Su harɛ ta, dɛ Sofar o ɡe aa le Naama harɛ ta. Ba no wahala waa dɛ na la, dɛ ka cheme, dɛ bwa sɛh kɛŋɔ baa lao, dɛ́ ka bwɛɛlo.

Job Tɔn 42:11

O dɔɔranar ne nimanar ne nimambii, dɛ nɛra ba fa aa jemɔ bwa ba o dem, ba ne o di kwaa dɛ lɛ ba sie. Ba bwɛɛlo dɛ larawe o bwara wenaale Korowii aa ɡela o na la wa, asɛ bɛlbwa tɛo suuɡa ne suuɡaswɛm noniseɡ.

Wejereme 7:2

A wer kɛŋɔ nɛn la lwe mun, dɛ ɡwaa kɛ waa la bela baa dɛ di kondikonjena, dɛɛ lɛ ba sie, dɛkalkɛ nomɛlbwa ɛɛ sewɔɔ. A chɛ kɛ nomɛlbwa ɛɛ do waa nɔ dɛɛɡɔ.

Aesaya 51:19

Wekpeɡa anɛ nɔɔ pu heya, umee dɛ́ won larawe heyaa bwara ɔ? Laa yoi ɡelɔ he harɛ chɔɡ, lɔr chole he nɛra nɛ. Nomɛlbwa toole dɛ́ bwɛɛ heya.

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Wiile 2:13

Akwe! Ee, Jerusalam maa dɛ nyini kohona, ɛrɛɛ ń bol he waɔ? Ɛrɛɛ mɛɛ ba wona larawe he bwara ɔ? Nomɛlbwa ta he wenaale nɔ dɔŋa nae bwa. He wenaale nɔ bini luŋri kɛŋɔ mpo vil ken, he ta hwɛɡa bɛlbwa dɔe.

Amanesoma Luk Aa Chwera Tɔn 10:39

Dɛ Maata dɔ o nime bihaah bɛl baa dɛ yerɔ Mɛɛre. Dɛ ɡɛ Mɛɛre nɔ, dɛ o soɡe Yeesu be dɛɛ no o webaɡla la.

Amanesoma Luk Aa Chwera Tɔn 10:42

Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Amanesoma Jɔn Aa Chwera Tɔn 1:19

A wola bɛl, Juu tena nomonome baa lɔ Jerusalam la tomɛ ba sɔfore ne Lewi dea tena ŋɔ bá ka bɔɔ Jɔn o nɛnsoo. Waa waa bola dɛ kpɔ di Yeesu danseɛ laanee nɔ.

Amanesoma Jɔn Aa Chwera Tɔn 11:1

Baa bɛlee fa lole baa yerɔ Lasorɔs. Dɛ o bwara dɛ weo. Bwɛɛ waa lɔ o ta sɔne Bɛtani. Dɛ ɡɛ bwɛɛ nɔ taa Mɛɛre ne o nahaah Maata ɡe do.

Amanesoma Jɔn Aa Chwera Tɔn 11:31

Juu tena bane baa lɔ Mɛɛre be dem bela dɛɛ larawe o bwara la aa naa kɛŋɔ o iro dɛ ɛ warane le buse la, ba ɡe iro teŋɛ dɛɛ lii kɛŋɔ o ken dɛ kaa bela baa bil o nimambie la ka wi.

Amanesoma Jɔn Aa Chwera Tɔn 11:33

Yeesu aa na ɡɛ waa dɛ wi asɛ Juu tena baa teŋɛ o nɛɛ la ɡe ɛɛ wi la, o loo kuu asɛ chal valɛ o bwara bini.

Amanesoma Jɔn Aa Chwera Tɔn 11:36

Asɛ Juu tena la ɛɛ bol dɔŋa be ŋɔ, “Hé na nyina waa dɛ nyinu dɛɛ wi ɡɛ!”

Amanesoma Jɔn Aa Chwera Tɔn 11:45

Juu tena la baa ba Mɛɛre be la aa na ɡɛ waa nɔ Yeesu aa ɛa la, ba kɛrɛdɛ yaradao.

Amanesoma Jɔn Aa Chwera Tɔn 11:8

Anee ba ŋɔ, “N Dɔɔ, he laa baah bɛl ta bela tena fe ɛɛ nyini dɛ́ foɡre bwea kpo la kɛɛ, ɡɛɛ he berɛ dɛɛ nyin bela laŋa taraken ja aa?”

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

2 Kɔrent 1:4

On dɛɛ larawe ya bwara ya wenaale bwa ta, ásɛ ya ɡe won che bambisɔɔhna waa tɛ yaa la ta dɛɛ larawe yabala baa lɔ wenaale bɛlbwa soo siwi ta la bwara.

1 Tesalonika 4:18

Anomanta, hé kpɔ waa nɔ dɛɛ larawe dɔŋa bwara.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

1 Samoɛl 31:13

Ba pa ba hoɡa ka huɡe dajen bɛl waa lɔ Jabes mun, asɛ dɛ vɔwɛ nyoa tɔpera anuanɛ.