Amanesoma Jɔn Aa Chwera Tɔn 11:15 - mzwDBL

¹⁵ Kɛ he nomanta, a do n som kɛ maa wola toole bela o sewɛ, dɛkalkɛŋɔ an dɛ́ ɡel he yarada mɛ. Hé ir yá kaa o be bela!”

Amanesoma Jɔn Aa Chwera Tɔn 11:15 ပူးပေါင်းရင်းမြစ်များ

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 39:5

Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa.

Yela 105:14

Kɛ Korowii ta ɡelɛ nomɛlbwa fiɡ ba, ba lɛɛ nomanta, o kah koranar ŋɔ,

Aesaya 54:15

Nomɛlbwa nyini naɡra aa, n be laa a le. Bɛlbwa waa kpɔ yoi ba pui la aa hen wo.

Aesaya 65:8

Korowii berɔ ŋɔ, “Gɛ nee aa lɔ ɡrepo nɔna sao ta ba yon ŋɔ, ‘He bɛ an chɔɡ, ba ta ɛɛ daa a ne senee’ la, ɡɛɛ maa wola n nɛra bwaa chɔɡ, mɛɛ lɛ banɔ la baa dɛ tom mɛɛ.

Amanesoma Jɔn Aa Chwera Tɔn 11:14

Belaa Yeesu pili a bini chasee ŋɔ, “Lasorɔs sewɔ.

Amanesoma Jɔn Aa Chwera Tɔn 11:16

Belaa Tɔmas baa dɛ yerɔ Didimas la ŋɔ o bala Yeesu habɔteŋra la be ŋɔ, “Hé ɡel ya pu nomoa ásɛ ya ne o bwa kaa, dɛ seo kwaraa yaa, yá ne ó sewɛ.”

Amanesoma Jɔn Aa Chwera Tɔn 11:4

Yeesu aa no ɡɛ la, belaa o ŋɔ, “Serewe weela laa wɛɛ we nɔ. Gɛ aa ɛ Korowii dɔ jirima ásɛ a che a ta Korowii Bie la ɡe dɔ jirima waa a ba ɡɛ.”

Amanesoma Jɔn Aa Chwera Tɔn 12:30

Asɛ Yeesu ŋɔ, “N waa laa ya no ɡɛ taa nɔ. He waa.

Amanesoma Jɔn Aa Chwera Tɔn 17:19

Ba nomanta, n kpɔ n te tɛɛ dɛ ɛ he ɡbosoroo nɛn ásɛ ba ɡe ɡba won berɛ he ɡbosoroo nɛra, teŋa baa dɛ teŋɛ he kasinteŋ la ta nomanta.

Amanesoma Jɔn Aa Chwera Tɔn 2:11

Yeesu nyokpowaa waa tɔ sie ɛa laanee la. Keena waa lɔ Galilia harɛ ta laanee o ɛa, dɛ chaɡle o nɛnsoo ne kpeɡri waa dɔa, asɛ o habɔteŋra la na dɛ yaradao.

2 Kɔrent 4:15

He waa Korowii ɛ anɔ bwa. Waraa nɛra Korowii aa na ba sum den na dɛɛ warɛ. Baa kpɔ jam kohonaa tɛ Korowii ásɛ o dɔ jirima.

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.

1 Jɔn 5:13

N chwerɛ waa nɔ baa tɛ he banɔ la haa dɛ yarada Korowii Bie la, ásɛ he jemɛ kɛŋɔ he dɔ Korowii mkpa aa wola jaɡa dɔe la.