Ya naawa fa ta hen Korowii nyokpowe-ɛɛla waa mun noɛ, ɡɛ saŋ baa lɔ Ijipt harɛ ta la. Ba soh nyina haa nyin ba la keraŋwɛnɛ bwa, dɛ ɛɛ deŋnekpeɡ Mposwɛm la ta.
Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.
Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.
Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.
Ba waa nɔ ɡelɔ sɛɡla baa sɛɡla Korowii Tɔn bini la ɛ kasinteŋ. Ba sɛɡlɔ ŋɔ, “Nyoate uɡaa, ɡɛɛ o berɛ dia,” dɛ sɛɡle ŋɔ, “He sɔ parakoo ne aa, wɛɛ berɔɔ ka ɡbili o kpechɛɡre ta.”
Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.