Amanesoma Jɔn Aa Chwera Tɔn 10:11 - mzwDBL

¹¹ Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Amanesoma Jɔn Aa Chwera Tɔn 10:11 ပူးပေါင်းရင်းမြစ်များ

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

Yela 23:1

Korowii do kɛ peteɡre dɛɛ nyiŋi n nɛ, komɛlbwa aa men nya.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Amanesoma Jɔn Aa Chwera Tɔn 10:2

Kɛ peteɡre waa dɛ teɡɛ peera la te, doonyoaa o che dɛɛ jo a be.

Amanesoma Jɔn Aa Chwera Tɔn 15:13

Nyina bɛlbwa toole dɛ ɡwaa kɛŋɔ nɛn aa wona koh o daamanar waa dɛ sewɛ.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”