Amanesoma Jɔn Aa Chwera Tɔn 10:10 - mzwDBL

¹⁰ Ŋwɛɛ balaa, o balɔ dɛ́ ba ŋwɛ dɛ́ kpo dɛ́ chɔɡ kwa. Wedɛɛɡa waa laa wɛɛ ba. Kɛ n te balɔ dɛ ba tɛ heyaa mkpa ásɛ he dɔɔ kɛrɛdɛ.

Amanesoma Jɔn Aa Chwera Tɔn 10:10 ပူးပေါင်းရင်းမြစ်များ

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Matiu 18:11

Nɛra baa nyoɡra la waa Men Nɛn Bie koh ba.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 21:13

dɛ ŋɔ ba be ŋɔ, “Ba chwerɔ do Korowii Tɔn la bini ŋɔ, ‘Baa yerɛ n Dea Korowii soŋebɔree,’ ɡɛɛ he te kpɔ bela berɛ ŋwɛɛra sɔɔhbɔr aa?”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Amanesoma Mak Aa Chwera Tɔn 11:17

Asɛ o bol waa dɛɛ baɡ ba ŋɔ, “Ba ta chwerɛ ŋɔ, ‘Baa yerɛ n Dea harɛre nɛra bwa Korowii soŋebɔr’ yaa? Gɛɛ he te berɛ kpɔɔ berɛ ŋwɛɛra sɔɔhbɔr aa?”

Amanesoma Luk Aa Chwera Tɔn 19:10

Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”

Amanesoma Jɔn Aa Chwera Tɔn 10:1

Yeesu ŋɔ, “Kasinteŋ, n dɛ ŋɔ he be, dɛ nomɛlbwa jo peera leɡ bini, dɛ o ta doonyoa cheɡɛ jo dɛ ka che baŋ bɛl dɛ teeh jo a be naa, dɛ ŋwɛɛree on.

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Amanesoma Jɔn Aa Chwera Tɔn 12:47

Dɛ nɛn no n waa la dɛ waa a ta teŋaa, n laa dɛ bol o waa dɛ́ pa bole, dɛkalkɛ nɛra waa bola dɛ́ pa bole waa laa n ba harɛ nɔ ta. Nɛra bwa lɛɛ waa n ba.

Amanesoma Jɔn Aa Chwera Tɔn 12:6

Menɛkɛsɛ ŋɔ nyaara waa hiaoh waa o ŋɔ ɡɛ la. Waa ɛ ŋwɛɛ waa o ŋɔ ɡɛ. Dɛ onee dɛɛ kpoŋe ba suuɡa, asɛ dɛ yon ŋwɛ ane dɛɛ di.

Amanesoma Jɔn Aa Chwera Tɔn 3:17

Korowii aa tom mɛ harɛ la, o ta ŋɔe ŋɔ ń ba bol he waa dɛ́ pa heyaa bolchɔɡe. Kɛ o tom mɛ ŋɔ ń ba nyin ŋwɛnɛ tɛ heya, ásɛ o won lɛ heya.

Amanesoma Jɔn Aa Chwera Tɔn 5:40

Kɛ haa nyin kɛ he ba n be dɛ́ ba dɔ mkpa la.

Amanesoma Jɔn Aa Chwera Tɔn 6:33

Kondikwaa la Korowii aa tɛ yaa laanee nɛn waa le o ɡbaɡba be nyundua dɛ ba mkpa ne ba tɛ nɛwɛnyini bwa la.”

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Tɔn Pɔɔl Aa Chwerɛ Rom Tena 2:21

Haa dɛ baɡle he dɔŋa waa nɔ, ɛrɛɛ haa wola won baɡle he te ɡbaɡba ɔ? Haa dɛ ŋɔ nɛra be ŋɔ ba bɛ dɛɛ ŋwɛ, asɛ dɛ te dɛɛ ŋwɛ nɔ sɛ?

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

Hibru 6:17

Dɛ Korowii dɛ nyin o baɡle nɛra baa dɛ ba kon waa baɡ ba nyoa ŋɔ wɛɛ ɛo tɛɛ ba la kɛŋɔ waa o liire chara ba bwa, a waa o ŋwɛɛ la.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.