Jeremia 9:21 - mzwDBL

²¹ Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Jeremia 9:21 ပူးပေါင်းရင်းမြစ်များ

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Aesaya 40:30

Bonɔɔna ne toli kwaraa won koeh dɛ ɡwɛɡre, dɛ́ lɔ naa chole.

Jeremia 15:7

Mɛɛ lɔ heyaa peɡre, ɡɛ ba yon palɛ mea la ken, bwɛjen doonyojena la ta. Mɛɛ kpoo he ne he biirii, dɛkalkɛ he ta liire charɛ le he wechɔɡa ŋwɛnɛre ta.

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 44:7

Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Jeremia 50:30

Gɛ nomanta, baa kpoo Babelɔn bonɔɔna fɔɡbaahnaa, ásɛ o laa tena bwa ɡe serewe awola tɔpere. Men Korowiirii bola.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Jeremia 6:21

Anomanta, mɛɛ ɡeloo ɡɛ nɛra nɔ lɔ naa dɛ́ choɡli. Lolanar ne ba bii ɛɛ serewoo, nɛra ne ba daamanar ɡe serewe.

Jeremia 7:33

Ba dɛ ba serewa chɔ dɛ́ ɛ kondikwaa tɛ jumbii ne kpɔɡ bini ola, nomɛlbwa aa wola lee do dɛ́ doŋa.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Joel 2:9

A iro kpɔ bwɛjen la danjwɛɛre ta dɛ ka jo deene bini, kɛŋɔ ŋwɛɛra yon kpɔ tokorore ta dɛɛ jo deene bini la.

Emɔs 5:2

‘Israel harɛ waa do kɛŋɔ bitolo waa wola baa jemɛ la paɡrɔ waa wola werii do kpa, harɛ la chɔ pɛɛ nomɛlbwa toole dɛ́ kwaa vɔrɔwo.’ ”

Emɔs 6:9

Baala fi ka dembeŋkpoŋ ta kwaraa naa, ba ɡe ɛɛ serewoo.

Sefania 1:17

Korowii ŋɔ, “Mɛɛ kpɔ a ɡɛ wenaale nɔɔ ba ta nɛra baa ɛ wechɔɡa dɛ jo n nɛ, ásɛ baa laɡre bɔr kɛŋɔ nyoŋa ken. Baa ɛɛ mɛ wechɔɡa nomanta, mɛɛ fuɡe ba chalee ta kɛŋɔ nee ken, ásɛ ba lala chɔ dɛ́ pɔh.”