Jeremia 9:19 - mzwDBL

¹⁹ Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Jeremia 9:19 ပူးပေါင်းရင်းမြစ်များ

Aesaya 32:9

Haahna haa lɔ bosɔɔhna ta, hé no n be! Bitoli haa soɡa kɛrɛdɛ, hé cheɡ deŋne dɛ́ no n wa!

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 2:14

Israel tena, ba ta heyaa yoma lawɛ, ba ta heyaa lolɛ he ɛ nɛndɔɔla. Ɛrɛɛ a ɛ he dɔma lawɛ he bwa laa ta kaalɔ?

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 4:20

Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Jeremia 7:19

Amɔ men Korowii baahnee baa muɡli ɡɛ nɔ naa? Akai, ba ɡbabirii dɛɛ do ba te sihiih.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Wiile 4:15

Asɛ nɛra la nyɛɡ ba nɛɛ ŋɔ, “Hé le ya be kaa! Hé kah doŋa! He bɛ yaa leɡe!” Gɛɛ baa ba harɛre ta doe dɛɛ ɡaaɡe, nomɛlbwa aa wola won lɛɛ ba.

Wiile 5:2

Harɛ waa ɛ ya kapɛrɛ kon kaa di nɛŋhɔɔhra nɔn ta, harɛfala nɛra lɛ ya deremi dɛ so a ta.

Ɛsekeɛl 27:2

“Nɛwɛnyini bie, taa wiile tɛ bwɛjen Taaya,

Lewi Dea Tena 18:25

Ba we-ɛɛla chɔɡ harɛ la ɡba o doŋ dɛ ba deŋnetɛra ne o ta asɛ o lee ba tɛ.

Lewi Dea Tena 18:28

Hé ɡe baa chɔɡ harɛ la aa, wɛɛ le heyaa tɛ ɡɛ waa le nɛra baa tɔ he sie tɛ la.

Lewi Dea Tena 20:22

Korowii berɔ ŋɔ, “Hɛ́ɛ teŋɛ me Mmarare ne waa maa dɛ do heyaa bwa ta, ásɛ harɛ maa kpɔ heyaa dɛɛ ba o ta ba soŋni nɔ bɛ heyaa ba le tɛ.

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

Maeka 2:4

Awola tɔpere la, ɡɛ wiile aa teŋa nɔɔ, baa ba kpɔe muɡli he baah ŋɔ, ‘Ya na waa kɛrɛdɛ. Korowii ɡelɔ ba lɛ ya harɛ, dɛ kpɔ yaa tɛ nɛnchɔɡa.’ ”

Mmarare 28:29

Hɛɛ dɛɛ laɡre bɔree webaŋa kɛŋɔ nyoŋa ken haa wola bɔree na. Wobɛlbwa haa dɛ ɛ ɡe aa heyaa kɛrɛdɛɛ chiɡ bwa. Baa lɔɔ heyaa dɛ́ pa he laala kɛŋɔ laa ta kwa ken, nomɛlbwa aa wola lee do dɛ́ cha heya.