Jeremia 9:18 - mzwDBL

¹⁸ Anee nɛra la ŋɔ, “Hé ɡel ba ba warane, dɛ́ ba taa wiile tɛ yaa, ka tel kɛŋɔ siniire aa su ya sibie dɛɛ yɔɔ yaa.

Jeremia 9:18 ပူးပေါင်းရင်းမြစ်များ

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 3:24

Le ya bechale saŋee voɡare aa wola tɔnɔ bɛlbwa dɔe chɔɡ ya naawa toma baa ɛa, ba peera ne nae, ba bibaala ne bihaahna bwa.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Jeremia 4:20

Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:20

Belaa Jeremia ŋɔ, “Haahna, hé cheɡ deŋne Korowii be, dɛ́ɛ no waa waa dɛ bol. Hé chaɡle he bihaahna ɡɛ baa dɛ wi, ne he daamanar ɡɛ baa dɛ taa wiile.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Wiile 2:13

Akwe! Ee, Jerusalam maa dɛ nyini kohona, ɛrɛɛ ń bol he waɔ? Ɛrɛɛ mɛɛ ba wona larawe he bwara ɔ? Nomɛlbwa ta he wenaale nɔ dɔŋa nae bwa. He wenaale nɔ bini luŋri kɛŋɔ mpo vil ken, he ta hwɛɡa bɛlbwa dɔe.

Wiile 2:18

Bwɛjen Jerusalam, wi yerɛ Korowii. He danjwɛɛre do kɛŋɔ nɛn o lole bɛl aa sewa wɛɛ wiu ken. Gel siniire ɛɛ yɔɔre chɔɔ ne jwaana kɛŋɔ nenapale, bɛ suna dii ne wii ɡel.

Wiile 3:48

Siniire dɛ yɔɔ mɛ kɛŋɔ nenapale, kpoora baa kpoo n nɛra la wa.

Emɔs 5:16

Anomanta, Nemenɛ Korowii Waa Ɛ Koranar Bwa Kooro ŋɔ, “Nɛra ɛɛ wi fɔɡbaahnaa, ásɛ lokua wii do bela nɛra aa dɛ cheme bwa. Baa yerɛ paara bwaa cheme ba wi tɛ nɛra baa serewa, dɛ́ ka kpɔ nɛra bá ba wi.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.