Jeremia 9:17 - mzwDBL

¹⁷ Waa Koranar Bwa Kooro aa dɛ bol laanee nɔ. “Hé nyiŋi waa aa chiɡa nɔ! Hé yerɛ haahna baa dɛ wi, haahna baa jemɛ wiile taara kɛrɛdɛ la, hé yer ba, bá ba.”

Jeremia 9:17 ပူးပေါင်းရင်းမြစ်များ

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

Job Tɔn 3:8

Gel voɡra taah a ɡɛ tɔpere la, nɛra baa won mpo bini oljen waa dɛ tuuɡi harɛ, waa do kɛŋɔ lɛŋɔ yera la.

Wejereme 12:5

ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Wiile 2:5

Korowii do kɛŋɔ dɔm dɛ ba chɔɡ Israel harɛ. O ɡelɔ o dekpeɡa ne kooderemi bwa berɛ dimɡbeeni, dɛ kpɔ wii ne suna dii aa wola jaɡa dɔe ba ta Juda tena nɛ.

Ɛsekeɛl 27:2

“Nɛwɛnyini bie, taa wiile tɛ bwɛjen Taaya,

Ɛsekeɛl 32:16

A ɡɛ waa nɔɔ baa ba kpɔe dɛɛ wiu. Harɛre ta haahna bwaa dɛ́ taa ɡɛ wiile la tɛ Ijipt harɛ ne o nɛra bwa. Men Nemenɛ Korowiirii bola.”

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.

Maeka 2:4

Awola tɔpere la, ɡɛ wiile aa teŋa nɔɔ, baa ba kpɔe muɡli he baah ŋɔ, ‘Ya na waa kɛrɛdɛ. Korowii ɡelɔ ba lɛ ya harɛ, dɛ kpɔ yaa tɛ nɛnchɔɡa.’ ”

Matiu 9:23

Belaa Yeesu jo cheremi dea nomoa la dem. Waa na ɡɛ nɛra aa dɛ hoh kalipere ne nɛra baa dɛ ɛ lwe la aa dɛ do ɡbɔɡa la,

Amanesoma Mak Aa Chwera Tɔn 5:38

Baa tel nomoa la dem la, Yeesu na nɛra baa dɛ do ɡbɔɡa dɛɛ wi kohona.