ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.
Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.
kasinteŋ waa Koranar Bwa Kooro aa dɛ bol laanee kɛŋɔ, ‘Mɛɛ ɡeloo bá kpoo ba laa ta, ásɛ lɔr ne weechɔɡa ɡel ba serewe, dɛ́ ɡel bá ɛ kɛŋɔ fiɡ daa nɔna aa pɔah baa wola won dia la ken.
Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.
Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”
He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.
Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.
Anomanta, Nemenɛ Korowii Waa Ɛ Koranar Bwa Kooro ŋɔ, “Nɛra ɛɛ wi fɔɡbaahnaa, ásɛ lokua wii do bela nɛra aa dɛ cheme bwa. Baa yerɛ paara bwaa cheme ba wi tɛ nɛra baa serewa, dɛ́ ka kpɔ nɛra bá ba wi.