Jeremia 9:15 - mzwDBL

¹⁵ Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Jeremia 9:15 ပူးပေါင်းရင်းမြစ်များ

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 69:21

Lɔr aa dɛ kpo mɛ la, ba kpɔ tɛɡkpela do kondikwaa ta tɛ mɛ n di, nyoɡre ɡe aa dɛ kpo mɛ la, sennyɛɡaa ba tɛ mɛ n nyɔ.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Yela 80:5

He ɡelɔ suna do kɛŋɔ kondikwaa yaa di, siniire ɡe do kɛ nee yaa nyɔ.

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 24:10

Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Jeremia 25:15

Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Jeremia 49:37

Mɛɛ kpoo Elam tenaa ba dɔma baa dɛ nyin ba dɛ́ kpoo sie. Mɛɛ kpɔ n bandia kohonaa ba ta ba nɛ, dɛ́ ɡel laa tena ti ba ka tel kɛŋɔ ba bwa aa serewa. Men Korowiirii bola.

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Wiile 3:15

Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Wiile 3:19

N lii n wenaale ne ɡaaɡa maa dɛ ɡaaɡe aa, a do kɛŋɔ maa di tɛɡkpela ken.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Mmarare 28:36

Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Wepila 8:11

Wewee la sɔne Koŋkpel. Nee waa le o ta la berɔ do kpeli, asɛ nɛra nyɔa dɛ serewe pirim, dɛkalkɛ nee la kpeli.