Jeremia 9:14 - mzwDBL

¹⁴ Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Jeremia 9:14 ပူးပေါင်းရင်းမြစ်များ

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Job Tɔn 9:18

Waa ɡel ń won hwee ɡba, dɛ́ kpɔ suna dii ta n nɛɛ kohona.

Jeremia 11:8

Kɛ ba ta deŋne cheɡɛ dɛ no n be. Dɛɛ teŋɛ ba deŋnekpeɡ we-ɛɛla ne wechɔɡa ta. Anomanta, n kpɔ taahna bwa aa lɔ fɔo la maa do ba ŋɔ ba fe ɛɛ teŋɛ a ta la ba ta ba nɛ, dɛkalkɛ ba ta n waa la noɛ.”

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 2:23

Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Jeremia 2:8

Sɔfore ɡba ta bɔɔrɛ ŋɔ, ‘Leperaa Korowii dɔɔ?’ Nɛra baa dɛ baɡle me Mmarare ɡba ta men jemɛ. Nomonome la bwa ɛ deŋnekpeɡ dɛ vɛɛh mɛ. N keamere bol waa voɡ Baal sɔn ta, dɛ kaa teŋɛ voɡa aa wola tɔnɔ bɛlbwa dɔe nɛ.

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 23:27

Ba dɛ lii ŋɔ chaahna baa dɛ na, dɛɛ bola dɔŋa be la ɛɛ won ɡel n nɛra soh n wa, ɡɛ ba naawa fa aa cheɡɛ voɡ Baal toma ta, dɛ soh n waa la.

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Wiile 3:15

Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Galaasia 1:14

Dɛ n dɛ teŋɛ ya Juu tena Korowii toma ŋwɛnɛ la ta ɡwaa n nyudɔŋa baa ɛ Juu tena kɛrɛdɛ, dɛɛ teŋɛ ya Juu tena nawee waa ɡe ta ɡwaa nomɛlbwa.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.