Jeremia 9:11 - mzwDBL

¹¹ Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Jeremia 9:11 ပူးပေါင်းရင်းမြစ်များ

Nehemia 4:2

O cheɡɛ o bala ne Samaria laa tena sie dɛ ŋɔ, “Bɔkwaa Juu tena baa wola wobɛlbwa jemɛ nɔ ɛɛ ɛ nɔɔ? Baa won berɛ kwaa ma ba danjwɛɛ nɔ cheɡ aa? Baa won ɛ sarahare aa? Baa won ɛ sarahare ásɛ dɛ won tonɔ tɔpebeŋkpoŋ ɡbo aa? Baa won berɛ dɔ bwea le anɔ la baa fuah a daŋɛ chɔ nɔ ta naa?”

Yela 107:43

Nɛra baa jemɛ waa la, bá kpɔ ɡɛ waa nɔ do ba liire bini, dɛ́ lii Korowii nyina aa wola jaɡa dɔe la wa.

Yela 44:19

kɛ he ɡel yaa tɛ kpɔɡ bini ola, biro tenten tɔ ya nɛ.

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Aesaya 13:22

Kalampoŋare ɛɛ dɛɛ si dekpeɡa binii, ásɛ ɡboli si koranar dedɛɛɡa bini. Babelɔn chɔɡa saŋ telo, waa jaŋɛ kpa.”

Aesaya 25:2

He ɡelɔ bwɛjena berɛ dimɡbia, he kuuɡi danjwɛkpeɡa aa bara la. Dekpeɡa hɔɔhra aa maa la, he kuuɡa ta, baa an ma kpa.

Aesaya 34:13

ásɛ sɔɔhne le kooderemi, apeah ɡe le bwɛjena baa ma danjwɛkpeɡa bara, ne ba dekpeɡa ta. Wɛɛ berɛ kalampoŋare ne kwiure sobɔree.

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Jeremia 1:15

N dɛ ba nɛra baa lɔ weekaŋle nyunduabɔr harɛre ta bwa yera cheme. Ba koranar ɛɛ bao ba cheɡ ba kookane Jerusalam doonyojena ta, dɛ́ ba yoo ba, dɛ́ kuuɡi o danjwɛjena aa baro, dɛ Juda bwɛɛre bwa ɡe.

Jeremia 10:22

Hɛ́ɛ no! Waane dɛ ba, laa tena ɡbɔɡa le weekaŋle nyunduabɔr dɛɛ ba, dɛ́ ba chɔɡ Juda bwɛjena á berɛ dimɡbia, ásɛ kalampoŋare kpɔ bela berɛ a soŋnibɔra.”

Jeremia 16:10

He bol waa nɔ baɡ ba aa, baa bɔɔre waa aa bala men Korowii ɛ n liire kɛŋɔ ń tɛr ba deŋne kohona. Dɛ berɛ bɔɔ ŋɔ wechɔɡa besoo bolchɔɡee ba di, webesoo ba ɛ dɛ jo men Korowii baa dɛ tom mɛ nɛɔ?

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 44:2

Koranar Bwa Kooro, Israel tena aa dɛ tomɔ la ŋɔ, “He ɡbabir na chɔɡa maa chɔɡ Jerusalam ne Juda bwɛjena la bwa. Hale a bwa berɛ dimɡbia, nomɛlbwa aa wola a ta soɡe,

Jeremia 49:33

Bwɛjen Hasɔ ɛɛ berɛ kalampoŋare soŋnibɔree, dɛ́ ɛ pua hɛŋle ɡbo harɛ saŋ bɛlbwa dɛɛ la. Nomɛlbwa aa wola won so bela kpa. Men Korowiirii bola.”

Jeremia 50:3

Harɛ bɛl nɛra ɛɛ le weekaŋle nyunduabɔree, dɛ́ ba yo Babelɔn harɛ tena, ásɛ harɛ la bwa chɔ pɛɛ. Nomɛlbwa aa kae ba dɛ́ so o ta, nɛra ne kondɛɛra bwa dɛ́ ba chwae.”

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.

Jeremia 8:22

Tɛɛɡa toole Gelead harɛ kɛɛ? Nɛra baa dɛ chah weela toole bela aa? Ɛrɛɛ n nɛra ta chaeh dɔe nɔɔ? Ba ŋwɛra aa won tonɛ.”

Wiile 1:4

Ŋwɛnɛre nɛra aa kpɔ a ta kaa tomɛ Korowii Dea ɛo surumm kɛŋɔ nɛra aa dɛ wi ba nɛn bɛl waa sewa ken, dɛkalkɛ nomɛlbwa aa a ta kpɔ dɛ́ ba di tɔpejena baa lea cheɡ la kpa. Bitoli baa dɛ ɡo yela bwara dɛ nyɛɡ bela, asɛ ba sɔfore ɡe ɛɛ wi. Bwɛjen Saayɔn doonyoo chɔ pɛɛ, wenaale kohona do o ta.

Wiile 2:2

O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.

Wiile 3:47

Ya na ɔmewaa kohona, ba harɛ yaa nafuɡere, ba lawɛ yaa dɛ kpoo yaa.

Lewi Dea Tena 26:32

Gɛ maa chɔɡ harɛ la ɛɛ ɡeloo he dɔma baa ba so o ta la bambile chɔɡ kohona.

Maeka 1:6

Anomanta, Korowii ŋɔ, “Mɛɛ ɡeloo Samaria berɛ dimɡbia, baa parɛ ɡrepo daa koonii, dɛ́ kpɔ a nɔna dɛɛ ɛ sen bela, dɛ́ taɡɛ o danjwɛɛ bwea bwa ka do fɛlembɔjen ta, ásɛ o mumpar bwea bwa chɔ baŋ.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,