Jeremia 8:14 - mzwDBL

¹⁴ Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Jeremia 8:14 ပူးပေါင်းရင်းမြစ်များ

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Wiile 3:19

N lii n wenaale ne ɡaaɡa maa dɛ ɡaaɡe aa, a do kɛŋɔ maa di tɛɡkpela ken.

Jeremia 35:11

Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”

Matiu 27:34

Asɛ ba kpɔ koŋkpelakpela ane koo sen ta dɛ kpɔ tɛ Yeesu ŋɔ ó nyɔ. Waa daɡa na la, o vɛh nyɔe.

Yela 69:21

Lɔr aa dɛ kpo mɛ la, ba kpɔ tɛɡkpela do kondikwaa ta tɛ mɛ n di, nyoɡre ɡe aa dɛ kpo mɛ la, sennyɛɡaa ba tɛ mɛ n nyɔ.

2 Samoɛl 20:6

Belaa kooro ŋɔ Abisae be ŋɔ, “Seeba nɔ ɛɛ ba waa nee ba ta ya nɛ ɡwaa Absalɔm. Kpɔ he dɔɔ laa tena la dɛ ti ba, o ken ɛɛ ka nyin bwɛjena baa ma danjwɛjena bara la bɛl binii ka sɔh, dɛ́ chwa yaa.”

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Emɔs 6:10

Nɛra baa serewa la lole bɛl ɛɛ bao, dɛ́ ba pa lala la le dem bela, dɛ́ bɔɔ nomɛlbwa waa ka dem bela ŋɔ, “Nomɛl ta lɔ he be bonɔ kɛɛ?” Ásɛ taa bɛl chaŋe ŋɔ “Ɔɔhɔh!” Ásɛ lole la ŋɔ, “Hel! Ya nyiŋi kɛrɛdɛ dɛ bɛ Korowii sɔn yerɛ.”

Jeremia 14:20

Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.

Yela 39:2

Kɛ n fa aa tɔ nyoa maa wola wobɛlbwa bolɛ, n ta wedɛɛɡe bɛlbwa ɡe bolɛ la, a taa n bonyɛɡa ɡwaa n nɛɛ kohona.

Mmarare 32:32

Ya dɔma la wechɔɡa do kɛŋɔ Sodom ne Gomoora tena wechɔɡa ken. Ba do kɛŋɔ daa nɔna baa kpɔa dɛɛ ɛ sen, dɛ do kpeli dɛɛ kpo ɡe.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Aesaya 47:5

Korowii ŋɔ, “Babelɔn haa do kɛŋɔ bitolo, so harɛ biro ta jeiih ken. Baa hen harɛ nɔ ta bwa bwɛɛre haŋkooroo yerɛ kpa!

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.