Jeremia 8:13 - mzwDBL

¹³ Dɛ n dɛ nyin n boa nɛra nyoa, kɛŋɔ paa yon komɛ koo kondikwa dɛ boa a nyoa la ken. Kɛ ba do kɛŋɔ daa waa wola nɔna dɔe, kɛŋɔ fiɡ daa nɔna aa wola toole o ta ken, hale a papooni bwa hol. Anomanta, n ɡelɔ nɛŋhɔɔhra ba lɛ ba harɛ dɛ so o ta. Men Korowiirii bola.”

Jeremia 8:13 ပူးပေါင်းရင်းမြစ်များ

Aesaya 5:10

Daa katori fi nɔna, ɡalɔŋre anue ɡbo senee dɛɛ ba koo la ta lee, ásɛ kuruware lafa kondwee haa dua la, hale kuruwa fi kwara, haa dɔ.”

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Jeremia 17:8

Naate ɛɛ doo kɛŋɔ daa baa duu nee nyoa, o dɛ ta lune kaa nee la ta. Hwel cheɡɔ waa, aa on wobɛlbwa ɛ, dɛ o te ta dɔ papooni. Bwaala ta nɛɛ benanyobir kwaraa naa, dɛ o ta won nɔna.

Jeremia 5:17

Baa di he kondikwaa bwaa, dɛ́ kpoo he bibaala ne bihaahna. Baa kpoo he peera ne naee, dɛ́ chɔɡ he ɡrepo ne fiɡ daa bwa. Baa chɔɡ he bwɛjena baa ma danjwɛkpeɡa bara, hɛɛ hwɛɡɛ a ta bwaa.”

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Ɛsekeɛl 22:31

Mɛɛ kpɔ n banfuih ba ta ba nɛɛ kohona, dɛ́ chɔɡ ba, ba waa baa ɛa la wa. Men Nemenɛ Korowiirii bola.”

Hosia 2:12

Mɛɛ chɔɡ o ɡrepo ne fiɡ daa waa ŋɔa o sɛnanar la kpɔɔ bɔɔ kem la. Mɛɛ ɡeloo o daa kooni baah moɡɛ kohona, ásɛ kpɔɡ bini ola ba di a nɔna.

Joel 1:7

A chɔɡ n ɡrepo daa maa kpɔa dɛɛ ɛ sen, dɛ chɔɡ n fiɡ daa kooni. A nyee a pɛɡa bwa, asɛ a kpala bwa to.

Lewi Dea Tena 26:20

He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Haɡae 1:11

N ɡelɔ hwel che harɛ ne deŋɡarere ta, ne mea kooni, ne ɡrepo ne ɔleve daa kooni, ne kondikwaa aa dɛ le harɛ la ta, ne nɛra, ne nae dɛ toma haa kpɔ he nɔɔra dɛɛ ɛ ta.”

Haɡae 2:17

N ɡelɔ peuwɔb ne dombwea ba chɔɡ he kwaa haa dua bwa, kɛ he ta he liire charɛ dɛ ba n be. Men Korowiirii bola.

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.

Matiu 21:19

O na fiɡ daa bɛl cheɡa ŋwɛnɛ la nyoa dɛ fee la kɛ ó ka nyin o nɔna di. Waa laŋa la, dɛ papooni ɡboo o bwa. Anee o taah daa la ŋɔ, “He te aa wola ba he ba nɔnɛ kpa bwa!” Buɡ la ta, dɛ daa la denɔ sewɛ dɛ chure.

Jems 1:11

Gɛ wee yon le dɛ́ lɔ, ásɛ kpɔɡa sewɛ dɛ́ chure a fedɛɛɡa la ta, ásɛ a wer tonɛ la, ɡɛ tentenee dɔɔh ɡee ba sewa o kwaa nyina ta, ásɛ o kondɔɔh la bwa ɛ pɛɛpɛɛ.