Jeremia 7:34 - mzwDBL

³⁴ Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Jeremia 7:34 ပူးပေါင်းရင်းမြစ်များ

Job Tɔn 3:7

Bɛ ɡel ba kpoŋe bie tea a ɡɛ jwaana la ta, bɛ ɡel silɛɛ ɡbɔɡa bɛlbwa le o ta.

Yela 78:63

O ɡelɔ ba kpoo ba bonɔɔna laa ta, ba toli ta baala dɔe dɛ yalɛ.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 16:9

Anomanta, no waa men Koranar Bwa Kooro, Israel tena aa dɛ tom mɛ la aa dɛ bol. Mɛɛ ɡeloo hɛɡra ne silɛɛ ɡbɔɡa, dɛ hanfalwaa mun chema dɛɛ lɛ sie bwa ba a jaɡa. Nɛra baa lɔ bonɔ ɛɛ na ɡɛ waa nɔɔ, á ɛ ba siwi ta.

Jeremia 22:6

Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.

Jeremia 25:10

Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna.

Jeremia 27:17

He bɛ ba be dɛɛ no! Hé kpɔ he te ka do Babelɔn kooro lɔɡa, ásɛ dɛ dɔ he nyu! Ɛrɛɛ chɛ kɛŋɔ bwɛjen nɔ paɡre dɛ́ berɛ dimɡbia ɔ?

Jeremia 33:10

Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Jeremia 4:26

N nyiŋo, dɛ harɛpare ondɛɛɡe la berɛ pua hɛŋle ɡbo harɛ, o bwɛjena bwa berɛ dimɡbia, Korowii bandia kohona la wa.

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Wiile 5:14

Nomonome aa bwɛjen la doonyojen ta bela so kpa, bonɔɔna ɡe ɡel yela ɡoe.

Ɛsekeɛl 26:13

Mɛɛ ɡeloo he yela ne janjela sii bwa ba a jaɡa. Bɛlbwa aa a waa no kpa.

Ɛsekeɛl 7:11

He naɡrenyin we-ɛɛla la ɛɛ berɛ daŋɡbalaa, dɛ́ tɛr wechɔɡ-ɛɛra deŋne, ba komɛlbwa aa kae ba, ba kondɔɔh ne kwaa aa dɛ tɛɛ ba jirima la bɛlbwa aa kae ba.

Hosia 2:11

Mɛɛ ɡeloo o tɔpejena dii ba a jaɡa. Benanyoa ne Korobifala Tɔpejena, ne Ona Tɔpera dii dɛ tɔpejena waa lea cheɡ bwa.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Maeka 7:13

Kɛ harɛ bwa ɛɛ chɔɡoo, o nɛra we-ɛɛla wa, dɛ́ do kɛŋɔ pua hɛŋle ɡbo harɛ ta ken.

Wepila 18:23

Kandea bɛlbwa aa belaa chaah kpa. Baa hanfala ne ba jaranar taa no bela bwa. He bonadiire ɛ nɛnjena ba dɔŋa aa wola toole harɛ nɔ ta bobɛlbwa. He wono berɛ harɛ nɔ ta nɛra bwa liire, ba nyoɡre kɛŋɔ baa kpɔ tɛɡchɔɡa dɛɛ berɛ nɛn liire la.