Jeremia 7:32 - mzwDBL

³² Anomanta, saŋ bɛl ɛɛ bao baa wola on yerɛ Tɔfɛt kɛɛ Henɔm Fɛlembɔjen kpa, baa dɛɛ yerɔ Nɛŋkpoa Fɛlembɔjenii. Baa huɡe nɛra belaa ka tel kɛ bɔr aa wola lee do bá huɡ ba.

Jeremia 7:32 ပူးပေါင်းရင်းမြစ်များ

Jeremia 19:11

asɛ n ŋɔ Koranar Bwa Kooro ŋɔ, “N dɛ ba bwɛjen nɔ ne o nɛra chɔɡa, ó do kɛŋɔ leo waa paɡra baa wola won kwaa mao kpa. Baa huɡe nɛra Tɔfɛt belaa, ka tel kɛŋɔ bɔr aa wola lee do baa huɡ ba kpa.

Jeremia 19:6

Anomanta, tɔpere bɛl dɛ ba bala, ásɛ nɛra aa bonɔ Tɔfɛt kɛɛ Bɛn Henɔm Fɛlembɔjenii yerɛ kpa. Baa dɛɛ yerɔ Nɛŋkpoa Fɛlembɔjenii.

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Jeremia 7:31

Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Jeremia 19:2

ásɛ he la Jerusalam Bɛn Henɔm Fɛlembɔjen waa bɛne Kaŋli Doonyoa la ta. He tel bela aa, hé bol waa maa bol he be la.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Ɛsekeɛl 6:4

Wɛɛ paɡre kwaa haa dɛ ɛ saraha a ta ne kwaa haa dɛ fuh daawiile a ta bwaa, ásɛ dɛ kpoo nɛra la ba voɡare la sie.