Jeremia 7:29 - mzwDBL

²⁹ Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Jeremia 7:29 ပူးပေါင်းရင်းမြစ်များ

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Jeremia 3:21

Lɔŋɔre dɛ le bwejena aa chɔ pɛɛ dor, Israel tena wii baa dɛ wi dɛɛ soŋe ba wechɔɡa baa lɔ a ta wa, dɛkalkɛ ba soh Korowii baa dɛ tomɔ wa.

Jeremia 47:5

Gasa tena dɛ di suna kohona, baa fonɛ ba nyuune á baɡle kɛŋɔ ba dɛ ɛ lwe, ásɛ Askɛlɔn tena hel jeiih ken a wa. Saŋ besoo Filisti tena kabora ɛɛ ba wii ka tel ɔ?

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Jeremia 6:30

Baa dɛɛ yerɛ n nɛra sɔnee ŋɔ suuɡapoŋa aa wola tɔnɔ dɔe, dɛkalkɛŋɔ n vɛɛh ba. Men Korowiirii bola.”

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Wiile 5:22

Kɛɛ he deno vɛh yaa kwara kɛɛ? He bandia ta jaɡa dɔe ya nɛ aa?

Ɛsekeɛl 19:1

Korowii ŋɔ men Ɛsekeɛl be ŋɔ, “Go suna dii yel nɔ tɛ Israel koranar banɛ

Ɛsekeɛl 28:12

“Nɛwɛnyini bie, taa Taaya kooro wiile, waa aa dɛ ba o nɛɛ bala la wa, dɛ́ ŋɔ men Nemenɛ Korowii ŋɔ, ‘Henee wera nɛra bwa bini ka tonɛ bá hweli, he dɔ wejema kohona dɛ do wer ka tonɛ.

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.

Maeka 1:16

Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Matiu 12:39

Anee Yeesu chaŋ ba ŋɔ, “Ɛrɛɛ fini nɛra ɛ wechɔɡ-ɛɛra ɡbo baa wola Korowii ɔmɛ ɡɛ nɔɔ? Maa wobɛlbwaa ɛ hé na, nemenɛ waa aa pu Korowii keame Jona la dɔŋ ɡboo dɛɛ ba n ɡe pui, ásɛ he che a ta jemɛ n nɛnsoo.

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Matiu 23:36

Kasinteŋ, nɛndɛɛɡa baa kpoo ba la bwa waa ɛɛ ba ɡure fini nɛra nɔ nɛɛ!

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

We-ɛɛla 2:40

O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

Mmarare 32:5

He waa ta kasinteŋ dɔe, he ta chɛɛ kɛ he ɛ o nɛra wechɔɡ-ɛɛra ne nyosonteŋna ɡbo. He kpɔ sihiih kpo he te.