Jeremia 7:25 - mzwDBL

²⁵ Le awola he naawa aa le Ijipt harɛ ta ba le fini, keraŋwɛnɛ bwaa n teŋɛ dɛɛ tomɛ toroma baa ɛ n keamere la he be.

Jeremia 7:25 ပူးပေါင်းရင်းမြစ်များ

2 Webena 24:19

Korowii tomɛ o keamere ba be, dɛ kah ba ŋɔ bá charɛ dɛ berɛ ba o be, kɛ ba vɛoh.

2 Webena 36:15

Korowii ba naawa aa tomɔ la cheɡɛ o keamere nɛɛ bol waa baɡ ba keraŋwɛnɛ bwa, dɛkalkɛ o dɔ tedoma tɛ o nɛra ne o Dea la.

Ɛsra 9:7

Le ya naawa bere saŋ ba le fini, ya wechɔɡa kan kohona. Anomanta, ya ne ya koranar ne sɔfore bwaa harɛre ane koranar lawɛ laa ta dɛ kpoo yaa, dɛ pa ya laala kaa. A ɡel sihiih kpo yaa, asɛ ya do ba lɔɡa ba le fini nɔ.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Aesaya 5:4

A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?

Jeremia 11:7

Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Jeremia 25:3

“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.

Jeremia 25:4

Keraŋwɛnɛ bwaa Korowii tomɛ o bonɔɔna baa ɛ o keamere he Juda ne Jerusalam tena be, kɛ he ta deŋne cheɡɛ, a ba ɛ kɛŋɔ hɛɛ noo.

Jeremia 29:19

Gɛ waa nɔ bwa ɛɛ ba ba nɛɛ, dɛkalkɛ ba ta n waa maa cheɡɛ n bonɔɔna baa ɛ n keamere nɛɛ dɛ bol ba be keraŋwɛnɛ bwa la noɛ. Ba deno vɛh n waa la noe.’ ” Korowiirii bola.

Jeremia 35:14

Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 44:4

Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Hosia 12:10

N bol waa keamere la be, dɛ ɡel ba na wepila taeh, dɛ che ba nɛɛ kpɔ sɛɡla bol waa he be dɛ ja heya.

Emɔs 2:11

N berɔ le he bibaala la bini bane ba ɛ n keamere, ba bini bonɔɔna la bini bane ɡe ɛ Nasiri tena. Israel tena, n teŋe nyosone naa? Men Korowiirii bola.

Malakae 3:7

He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Amanesoma Luk Aa Chwera Tɔn 11:49

Anɔ waa Korowii bol o Tɔn la baa dɛ yerɔ Wejema la bini ŋɔ, ‘Mɛɛ tomɛ n keamere ne toroma ba bee, baa kpoo banee dɛ́ fiiɡi bane’ la.

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.