Jeremia 7:23 - mzwDBL

²³ N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Jeremia 7:23 ပူးပေါင်းရင်းမြစ်များ

Job Tɔn 36:11

Dɛ ba no Korowii baa dɛ tomɔ wa aa, ba sie ɛɛ lɛ tɔpera aa ka ba sie taa, ásɛ dɛ so bosɔɔhna ta.

Yela 119:3

Baa wechɔɡa bɛlbwa ɛ, ba dɛ valɛ o ŋwɛnɛre waa baɡla la ta.

Yela 40:6

Konaatena ne koŋkwaa baa kpɔa ɛ sarahare dɛɛ tɛɛ la, he sie aa a ta lɛ, he tɛ mɛ deŋne ŋɔ, n kpɔ no he wa. He siwi aa konaatena baa dɛ fuah ambire dɛɛ tɛɛ, ne sarahare baa ɛa, dɛ kpɔ dɛɛ soŋe nɛra wechɔɡa la su.

Yela 81:13

N dɛ nyin kɛ n nɛra fe aa no n deŋna wa, ásɛ dɛɛ teŋɛ n waa ta.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 16:32

Asɛ Mosis ŋɔ, “Waa Korowii aa do yaa a ta laanee kɛŋɔ, ‘Hé ɡel maana dɛ ɛ kuruwa del cheɡ, ásɛ he naanar baa ka ba la jemɛ kondikwaa la soo maa tɛ heya he di pua hɛŋle ɡbo harɛ ta, ɡɛ saŋ maa lawɛ heyaa le Ijipt harɛ ta la.’ ”

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 11:7

Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Jeremia 13:11

Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Jeremia 22:21

Gɛ saŋ he wobɛlbwa aa wera tɛɛ laanee n kaeh, kɛ he ŋɔ, ‘Maa deŋnee cheɡ dɛ́ no.’ Gɛɛ he do dɛ le he bechale saŋ bwa, haa sɛɛh dɛɛ teŋɛ n waa ta.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Jeremia 38:20

Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu.

Jeremia 42:6

Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.

Sekaria 6:15

Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

Sekaria 7:7

Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Mmarare 11:27

Dɛ hé no Korowii waa nɔ dɛ teŋɛ a ta naa, hɛɛ dɔ andɛɛɡaa,

Mmarare 13:4

Korowii haa dɛ tomɔ nɔ nɛɛ chɛ kɛŋɔ hé teŋɛ, onee chɛ kɛ hé ɔmɛ. Hé teŋɛ o waa ta dɛɛ duuru, hé tomɔ dɛ́ kpɔ he te pɛlo.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 30:2

Dɛ he ne he naanar berɔ ba Korowii haa dɛ tomɔ be, dɛ no o waa maa dɛ do heyaa fini nɔ ta he bambile bwa ne he hweera bwa ne naa,

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Mmarare 30:8

ásɛ he berɛ ba no Korowii waa maa kpɔa dɛɛ tɛ heyaa fini nɔ ta, dɛɛ teŋɛ o Mmarare la ta ja.

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 5:16

Hé duu he nyare ne he mɛɛnanar, ɡɛ men Korowii haa dɛ tom mɛ la aa do heyaa la. Anee dɛɛ ba ɡela he dɔ mkpajaŋ, wobɛlbwa do wer tɛ heya harɛ maa kpɔa dɛɛ tɛ heyaa la ta.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.