Jeremia 7:18 - mzwDBL

¹⁸ Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Jeremia 7:18 ပူးပေါင်းရင်းမြစ်များ

1 Koranar 14:9

He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

1 Koranar 16:2

“He fa toole wobɛlbwa bini, n lawɛ ba ŋɔ he baa nyiŋi n nɛra Israel tena nɛ, kɛ he kpɔ Kooro Jɛroboam ŋwɛnɛre la ta dɛ ɡel n nɛra Israel tena ɛ wechɔɡa dɛ jo n nɛ, dɛ ɛ wechɔɡa dɛɛ muɡli n baah.

Yela 16:4

Nɛra baa dɛ tomɛ voɡa la nyin waa dɛɛ dawɛ ba nɛ. Maa ba nɛɛ ja kpoo kwaa tɛ ba voɡare bwa, maa ba voɡaree tomɛ bwa!

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Aesaya 57:6

Bwea aa bwara aa loɡaa, he kpɔ le nenabɔɔne ta ɛ voɡa dɛɛ toma. Anee he wee sen saraha dɛɛ tɛa, dɛɛ tɛa mea saraha ɡe. Anɔ nɔ bwa, a chɛ kɛŋɔ, n sie lɛ a ta naa?

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Aesaya 65:3

Ba teŋɔ dɛɛ muɡli n baah, dɛ kpoo kwaa dɛɛ ɛ saraha voɡare ta, bodɛɛɡe baa du daa bini, dɛ fuh daawiile dɛɛ tɛa.

Jeremia 1:16

Mɛɛ ba bol n nɛra waa dɛ́ tɛr ba deŋne, ba nyubinikpeɡ ne habɔɔ baa bera kpo mɛ la wa, ba fuh daawiile ɛ sarahare voɡare ane ta, dɛɛ tomɛ kwaa ba ɡbaɡba aa kpɔ nɔn ɛ.

Jeremia 11:17

Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”

Jeremia 17:2

He nɛra laŋɔ kaa tomɛ kwaa haa dɛ ɛ sarahare a ta, ne voɡhaah Asera dajaŋa baa paaɡa dajena mune ne deŋɡarere,

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Jeremia 25:7

Kɛ Korowii ŋɔ he ta o be noɛ, dɛ kpɔ kwaa he ɡbabir aa kpɔ nɔɔra kwaara ir o bwaawee, a ba wenaale ne ba ta he nɛ.

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Jeremia 44:25

Koranar Bwa Kooro, Israel tena aa dɛ tomɔ la ŋɔ, ‘He ne he haahna we-ɛɛla dɛ baɡle waa haa ŋwɛɛra dɛ ŋɔ hɛɛ sɛoh fuh daawiile dɛ́ fuɡe sen ɛ sarahare tɛ Nyundua Haŋkooro la.’ Hé teŋɛ he nyobaɡa la ta! Hé ka ɛ ɡɛ haa ŋwɛɛra la!

Jeremia 44:4

Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.

Jeremia 7:17

Haa ba we-ɛɛla na Juda bwɛjena ne Jerusalam fɔɡbaahna aa?

Wiile 5:13

Ba ɛɡre bonɔɔna baa namɛ boyu kɛŋɔ yoma ken, bibaala ɡe che datɔɡa dɛɛ kɛŋle.

Ɛsekeɛl 16:26

He ne Ijipt tena haa do jwɛh bwaa dɛɛ bɔ jwamane he ne baa chɔ. Ba ɛ nɛra jwamanwa aa dɛ lɛ ba sie kohona. He kpɔ ɡɛ waa nɔ dɛɛ muɡli n baah.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.

Mmarare 32:21

Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.