Jeremia 7:15 - mzwDBL

¹⁵ Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Jeremia 7:15 ပူးပေါင်းရင်းမြစ်များ

2 Koranar 17:23

dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

2 Webena 15:9

Nɛra warɔ le Efrem ne Manasɛ ne Simeon deene ta dɛ ba ja Kooro Asa nɛ, dɛ so o harɛ ta, dɛkalkɛ ba nao kɛŋɔ Korowii ja o nɛ. Kooro Asa yerɛ ba bwa, ne Juda ne Bɛnjamen deene nɛra cheme.

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

Aesaya 7:16

A ne ɡɛ saŋ tela la, koranar banɛ nɔ baa dɛ aah heyaa nɔ, ba dɔma ɛɛ ba yoo baa dɛ́ pɔ ba nɛ, ba harɛre chɔ pɛɛpɛɛ.”

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 23:33

Korowii ŋɔ men Jeremia be ŋɔ, “Dɛ n nɛra nɔ bini bɛlbwa kɛɛ n keame, kɛɛ n sɔfo bɔɔre ŋɔ, ‘Bɔkwa waa men Korowii ɛɛ bol ɔ?’ Asɛ he chaŋe ŋɔ, ‘He waa do kɛ bone dɛ dawɛ Korowii nɛ, anomanta, wɛɛ vɛh heyaa.’

Jeremia 23:39

‘Kasinteŋ, Korowii ɛɛ soh he waa, dɛ́ kpɔ he ne bwɛɛ waa kpɔa tɛ he ne he naawa la ka ta bojaŋ, ásɛ he le o sie kwaraa.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Jeremia 52:3

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Ɛsekeɛl 23:31

Ŋwɛnɛ he nahaah aa kpɔ o ta laanee he ɡe kpɔ, anomanta, hɛɛ nyɔ o deŋnetɛra nee la anee.”

Ɛsekeɛl 33:25

Anomanta, ŋɔ men Nemenɛ Korowii ŋɔ, ‘Haa dɛ di ola ne a chale, dɛ tomɛ voɡa dɛɛ kpoo dɔŋa nɔ, a chɛ kɛ he dɔ harɛ nɔ o ɛ he kon aa?

Hosia 1:4

Belaa Korowii ŋɔ Hosia be ŋɔ, “Kpɔ bwɛjen Jesreel sɔn pa he bie la. Aa biɡri ń ba tɛr Israel kooro deŋne, kpoe o naa Kooro Jehu aa kpoo nɛra Jesreel la wa, dɛ́ teŋe Jehu luɡe tena kora ta, Israel harɛ.

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 13:16

Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

Hosia 9:13

Gɛ saŋ maa na Israel tena la, dɛ ba do kɛŋɔ nɛra baa soɡe Taaya harɛ waa do wer la ta ken. Kɛ taraken, ba le ba bii tɛ ŋɔ bá kpoo.”

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Jona 2:4

N liiro kɛ he doŋ mɛ le he sie, dɛ ŋɔ maa he Dea waa do ɡoroŋ laanee na kpa.

Nɛra Kura 1:32

Josef bibaala ɡe bini, Efrem naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.