Jeremia 6:7 - mzwDBL

⁷ Gɛ nee yon bule dɛɛ le bule ta la, ɡɛɛ wechɔɡa le Jerusalam dɛɛ ba. Kwaa chɔɡa ne yoi ɡbɔɡa su o ta. Weela ne dɔŋa bola doe ɡboo mɛɛ na bobɛlbwa.

Jeremia 6:7 ပူးပေါင်းရင်းမြစ်များ

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Aesaya 1:6

Le he nyu ta ba ta harɛ, he bobɛlbwa toole dɛ do kpeɡri. Ŋwɛra ne bela aa darawa ne chale ɡboo he bwa. Ba ta an jaɡrɛ, á ba ɛ kɛŋɔ baa do tɛɛɡa a taa dɛ́ vɔwa.

Aesaya 57:20

Wechɔɡ-ɛɛra te do kɛŋɔ mpo nehɛma aa wola won bobeŋkpoŋ che, dɛ yon che doŋa bwa soo siwi baa ta la ken.

Aesaya 59:6

Haa won kpɔ ŋwandare yal tɔ kɛŋɔ yal. He we-ɛɛla ɛ dichɔɡa ɡbo, dɛ ɛ naɡrenyine ɡe.

Jeremia 20:8

N dɛ ba waa bola aa, lɔŋɔree mɛɛ do, dɛɛ bol yoi ne kwaa chɔɡa wa. Waa Korowii waa la aa kpɔa tɛ mɛ laanee, chɛɡa ne bammuɡla tɔpebir bwa.

Jeremia 30:12

Korowii berɔ bol waa o nɛra be ŋɔ, “He ŋwɛra aa won tonɛ, he bola haa dɔa bwa ɡe haa chaeh dɔ.

Jeremia 30:13

Nomɛlbwa toole dɛ́ nyiŋi he nɛ, tɛɛɡa toole dɛ́ chah he ŋwɛra, hwɛɡa bɛlbwa toole kɛ baa chah heyaa.

Jeremia 30:15

He bɛ bola baa do he yaa la waa dɛɛ wi, baa won chah heya. He wechɔɡa ne he nyubinikpeɡ kan kohona, a waa n tɛr he deŋne.

Jeremia 32:31

Nɛra baa lɔ bwɛjen nɔ ta ir n bwaawee dɛ ɡel n baah di kohona le awola baa vɔrɔwo. N ɛ n liire kɛ n chɔɡo,

Jeremia 8:22

Tɛɛɡa toole Gelead harɛ kɛɛ? Nɛra baa dɛ chah weela toole bela aa? Ɛrɛɛ n nɛra ta chaeh dɔe nɔɔ? Ba ŋwɛra aa won tonɛ.”

Ɛsekeɛl 21:29

Amɔn tena, he wepila haa dɛ naa, ne waa haa ŋɔa aa bao la bwa ɛ nyosone. He ɛ nɛnchɔɡa, he nyu bini kpeɡri. He tɔpere telo, he deŋnetɛra tɔpere la telo tonɛ.

Ɛsekeɛl 24:7

Ba kpoo nɛra bwɛjen la ta, ba chale chɔ bwea ta, harɛpɛɛ ta laa a chɔ, ásɛ teera tɔ a ta.

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Ɛsekeɛl 7:11

He naɡrenyin we-ɛɛla la ɛɛ berɛ daŋɡbalaa, dɛ́ tɛr wechɔɡ-ɛɛra deŋne, ba komɛlbwa aa kae ba, ba kondɔɔh ne kwaa aa dɛ tɛɛ ba jirima la bɛlbwa aa kae ba.

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Sefania 3:1

Bwɛjen baa dɛ do ba nɛra hɔhɔrɔwa, dɛ ɛ deŋnekpeɡ tena dɛɛ ɛ wedoŋa la, ó bwɛɛlɛ!