26 Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.
Konsɔɔhsoma a fe aa ɡel ba bwaraa sɔɔh do som la, sɔɔhraa ba bwara ɛɛ ba sɔɔhra, ásɛ ɡboɡbie ber ba kirisore, ásɛ ba nyumpona ba yon ɛa a do wer la bwa chure, ba nyuune ɡba, ba laaladɛɛɡa bwa berɛ yakwane, ásɛ ba wer tu, ba berɛ di sihiih.
Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.
Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.
Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.
Mɛɛ ɡeloo luhaahna warɛ harɛ la ta, dɛ́ ɡwaa mpo nyoa hɛŋle. Mɛɛ ɡeloo he dɔm ba chɔɡ bonɔɔna ne ba nyare webaŋkpelaa, ásɛ dɛ kpɔ bambiteŋa ne ɔmee kohona ba ta he nɛ.
Gɛ saŋ baa ŋɔ Jerusalam tena bee ŋɔ, peuwɔb bɛl tao le bwejena dor pua hɛŋle ɡbo harɛ ta, dɛ́ ba ta Jerusalam tena nɛ, kɛ peu waa do kɛ bá kpɔ palɛ kwaa laa.
Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”
N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.
Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.
Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.
Waa dena dɛɛ tel bwɛɛ la ta la, dɛ ba cheɡɛ baa bɛl waa sewa dɛɛ kaa ka huɡe. Dɛ ɡɛ nɛn waa sewa la ɛ luhaah bɛl bibeŋkpoŋ waa dɔa. Dɛ bwɛɛ la tena bane teŋɛ luhaah la nɛɛ pirim.