Jeremia 6:24 - mzwDBL

²⁴ Jerusalam tena ŋɔ, “Ya no ba wa, asɛ ya bwara yɔr, weweele ne bambiteŋa ɡel ya do kɛŋɔ loltea aa lɔ haah ken.

Jeremia 6:24 ပူးပေါင်းရင်းမြစ်များ

Yela 48:6

Bochela laɡ ba bela, kɛŋɔ loltea aa lɔ haah ken,

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 30:6

Hé pɛɛ no! Baa lɛɛ won kpoŋe tea dɛ́ lolɛ bie aa? Aah ɛrɛɛ mɛɛ na baala ba bwara aa kpeɡa, ba nɔɔra dawɛ ba teene ta kɛŋɔ haah loltea aa lɔɔ nɔɔ? Nomɛlbwa siebɔr ɡwaŋɔ kohona.

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 48:41

Baa pɔ bwɛjen Kereɔt nɛɛ, dɛ́ chɔɡ ba dekpeɡa bwa. Awola tɔpere la, Moab banyoola ɛɛ ɔmɔɔ kɛŋɔ haah loltea aa lɔɔ ken.

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Ɛsekeɛl 7:17

Nomɛlbwa bwara ɛɛ yɔroo, ásɛ ba bwara ɛɛ sa.

Daneɛl 5:9

Anomanta, ɔmee kohona lawɛ Kooro Bɛlsasa, o siebɔr ɡe foo kohona. O nomonjena liire chɔɡɔ, ba ta ɡɛ baa ɛ nae.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.