Jeremia 6:23 - mzwDBL

²³ Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Jeremia 6:23 ပူးပေါင်းရင်းမြစ်များ

Aesaya 10:32

Fini tɔpere nɔ, baa bao dɛ́ ba che Nɔb. Baa nyiŋi Jerusalam Saayɔn Bwejen la taa, dɛ́ ume nɔɔra pa ba nɛɛ dɛɛ aah ba.

Aesaya 13:18

Baa kpɔ ba tori ne hɛmaa le bonɔɔna nɛɛ dɛ́ kpoo ba. Ba te waane laa bechasɔɔhne wa, ba ta tedoma dɔe tɛ bechajeɡre ɡe.

Aesaya 17:12

Sibeɡra chole harɛre aa wara nɛ, a nɛra ɛɛ si kɛŋɔ mpo ken, dɛɛ do ɡbɔɡa kɛŋɔ mpo nehɛma ken.

Aesaya 19:4

Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Jeremia 25:32

Waa Koranar Bwa Kooro aa dɛ bol laanee nɔ. “Hé na, wenaale dɛ ba, o le harɛ bɛl nɛra be dɛ kaa bane ɡe be. O do kɛŋɔ peukpeɡ aa taa le harɛ jaɡa ken.”

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 4:16

Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Jeremia 4:29

Nɛra baa soɡe jaɡre ta, ne banɔ la baa kpoŋe tori ɡbɔɡa ɡelɔ nɛra bwa chwa kaa. Bane chwao ka sɔh kɔne bini, bane chwa ka teeh bwea. Bwɛɛre la bwa chɔ pɛɛ, nɛra toole a bini.

Jeremia 5:16

Ba laa tena jemɛ hɛma tae kohona, baa wola nomɛlbwa nɛɛ sune.

Jeremia 50:41

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana o koranar warɛ kpɔ ba te le harɛ jaɡa dɛɛ ba ba yo laa.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 6:4

Baa bol dɔŋa bee ŋɔ, “Hé ɡel ya kpɔ ya te dɛ́ ka yo Jerusalam! Hé ir, webaŋaa yaa ba laŋa ka yo. Akwe, wee joɔ tonɛ, saŋ kaalɔ bɔr kwaraa dɛ ba bira.

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.