Jeremia 6:22 - mzwDBL

²² Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana kpɔ ba te le harɛ jaɡa dɛɛ ba ba yo laa.

Jeremia 6:22 ပူးပေါင်းရင်းမြစ်များ

Nehemia 1:9

kɛ dɛ he berɔ ba n be dɛ ba teŋɛ waa maa dɛ do heyaa a ta tenaa, hale dɛ ba lawɛ heyaa laa ta kaa bojaŋ harɛ jaɡa kwaraa naa, mɛɛ boa he nyoaa, dɛ́ lawɛ heyaa ba bela maa lea cheɡ ŋɔ baa tom mɛ la.’

Jeremia 10:22

Hɛ́ɛ no! Waane dɛ ba, laa tena ɡbɔɡa le weekaŋle nyunduabɔr dɛɛ ba, dɛ́ ba chɔɡ Juda bwɛjena á berɛ dimɡbia, ásɛ kalampoŋare kpɔ bela berɛ a soŋnibɔra.”

Jeremia 13:20

Hé ha sie nyiŋi, he dɔma le weekaŋle nyunduabɔr dɛɛ ba. Leperaa nɛra baa lɔ he nɔn ta, he koh ba waa dɛɛ ɛ mbarafo la dɔɔ?

Jeremia 25:32

Waa Koranar Bwa Kooro aa dɛ bol laanee nɔ. “Hé na, wenaale dɛ ba, o le harɛ bɛl nɛra be dɛ kaa bane ɡe be. O do kɛŋɔ peukpeɡ aa taa le harɛ jaɡa ken.”

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 30:5

“N no lɔŋɔ waa do ɔma kohona, hundam chole bobɛlbwa, deŋnesɔɔhna aa wola toole bela.

Jeremia 4:16

Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Jeremia 4:6

Hé ir fraŋkaa chaɡɛ Saayɔn. He bɛ hɛlɛ, hé chwa dɛ́ lɛ he nyu. N kpɔ wenaale le weekaŋle nyunduabɔr dɛɛ ba, chɔɡa tenten nee mɛɛ ba he nɛ.”

Jeremia 47:2

O ŋɔ, “Na ɡɛ he dɔma aa wara dɛ le weekaŋle nyunduabɔr dɛɛ ba, ba do kɛŋɔ nee waa sua dɛ do ɔma. Dɔma la dɛ ba ba lɔ tɔ Filisti tena harɛ ne komɛlbwa aa lɔ o ta nɛ. Baa lɔɔ tɔ nɛra baa soɡe bwɛjena ta la nɛɛ, ásɛ nɛra ɔmɛ dɛɛ do lɔŋɔre kohona dɛɛ nyin chae, nomɛlbwa waa lɔ harɛ la ta ɛɛ wiu kohona.

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Jeremia 5:16

Ba laa tena jemɛ hɛma tae kohona, baa wola nomɛlbwa nɛɛ sune.

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 23:22

Anomanta, men Nemenɛ Korowii dɛ bol hen Oholiba be ŋɔ, ‘Mɛɛ ɡeloo baala ba wa aa pee la baah di he nɛ, dɛ́ le baŋ bɛlbwa, dɛ́ ba bare cheme.

Habakuk 1:6

N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.