Jeremia 6:14 - mzwDBL

¹⁴ Ba na n nɛra ŋwɛra dɛ ŋɔ kuree. Dɛɛ bol ŋɔ, ‘Deŋnesɔɔhna lole,’ kɛ dɛ deŋnesɔɔhna bɛlbwa toole.

Jeremia 6:14 ပူးပေါင်းရင်းမြစ်များ

2 Samoɛl 17:3

dɛ́ berɛ lawɛ nɛra la bwa ba tɛɛ. Naate haa dɛ nyinu la sewaa, anee dɛ́ baɡle kɛ nɛra la bwa berɔ ba he be, wobɛlbwa toole dɛ́ ba ba nɛ.”

Aesaya 1:6

Le he nyu ta ba ta harɛ, he bobɛlbwa toole dɛ do kpeɡri. Ŋwɛra ne bela aa darawa ne chale ɡboo he bwa. Ba ta an jaɡrɛ, á ba ɛ kɛŋɔ baa do tɛɛɡa a taa dɛ́ vɔwa.

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Jeremia 14:13

Anee n ŋɔ, “Nemenɛ Korowii, keamere la bane teŋɔ dɛɛ bol nɛra la be ŋɔ, baa laa kɛɛ lɔr bɛlbwa nae ba, dɛkalkɛ ba ŋɔ he baɡ ba nyoa ŋɔ deŋnesɔɔhna ɡboo dɛ́ do ya harɛ nɔ ta.”

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 28:3

Bene anɛ ne tela dɛ n ɡelɔ ba kpɔ laala a yoɡ aa kpeɡa dɛ fa do Korowii Dea, Babelɔn Kooro Nebukadnesa paa le bonɔ la, dɛ́ berɛ ba a ne.

Jeremia 4:10

Anee men Jeremia ŋɔ, “Nemenɛ Korowii, he neɡre Jerusalam tena kohona. He ŋɔ baa dɔ deŋnesɔɔhnaa. Na ɡɛ kere aa jaɡɛ ba baŋa baa ba ba kpoora.”

Jeremia 5:12

Korowii nɛra teŋe nyosone ŋɔ, “Waa yaa wobɛlbwa ɛɛ ba. Yaa wekpeɡa bɛlbwa nae ba. Laa bɛlbwa aa ya nɛɛ ba, a ba ɛ kɛŋɔ lɔr kpo yaa yá serewe.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 13:10

Keamere la tɔ n nɛra sie dɛ ɡel baa nyoɡre. Ba ŋɔ deŋnesɔɔhna lole, dɛ deŋnesɔɔhna ɡe toole bobɛlbwa. N nɛra ma danjwɛɛ waa wola kpeɡe, asɛ keamere la kpɔ fula lɔɔ.

Ɛsekeɛl 13:16

Israel harɛ keamere la ŋɔ deŋnesɔɔhna lɔ Jerusalam, kɛ dɛ deŋnesɔɔhna ɡe toole. Men Nemenɛ Korowiirii bola.’ ”

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Maeka 3:5

Waa Korowii aa dɛ bol laanee nɔ. “Keame nyosonteŋna ɡelɔ n nɛra nyoɡre, ba dɔ komɛl dɛ́ le nɛra be dɛ di aa, ba soŋe deŋnesɔɔhna dɛɛ tɛɛ ba. Ba ta komɛlbwa dɔe le ba be tenaa, ba dɛ kpɔ ba te dɛ́ ka yoo ba laa.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.