Jeremia 52:9 - mzwDBL

⁹ Ba lawɔ kaa bwɛjen Ribla waa lɔ Hamat harɛ ta, ka tɛ Babelɔn Kooro Nebukadnesa o ka bol o waa dɛ pao bolchɔɡe.

Jeremia 52:9 ပူးပေါင်းရင်းမြစ်များ

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

2 Koranar 23:33

Ijipt Kooro baa dɛ yerɔ Neko yo Kooro Jehoahas, dɛ lawɔ bwɛjen Ribla waa lɔ Hamat harɛ ta, dɛ vɔrɔwo jɔɡrɔre ne, asɛ o kora dii jaɡɛ bela. Dɛ ɛɡre Juda tena lɛ toɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne suuɡaswɛm a tɔɡre aa ɛ kilore fifraatoro dɛ anaarɛ.

2 Koranar 25:6

Ba lawɔ kaa bwɛjen Ribla ka tɛ Babelɔn Kooro Nebukadnesa o ka bol o waa dɛ pao bolchɔɡe.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Webena 8:3

Kooro Solomɔn kaa yo dɛ lɛ bwɛjen Hamat Soba,

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 39:5

Babelɔn laa tena la ti ba dɛ ka lawɛ Kooro Sedekia Jeriko harɛ bɛl waa chɔa kaa ta. Ba lawɔ ka tɛ Babelɔn Kooro Nebukadnesa, ɡɛ saŋ dɛ o lɔ bwɛjen Ribla waa lɔ Hamat harɛ ta. Belaa Babelɔn Kooro Nebukadnesa ka bol o waa dɛ pao bolchɔɡe.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 11:10

He ɡbaɡba harɛ taa baa ba heyaa kpoora laa ta, ásɛ nomɛlbwa jemɛ kɛŋɔ menee Korowii.

Ɛsekeɛl 23:24

Baa kpɔ dɔmkwaa le weekaŋle nyunduabɔree, dɛ́ so torɔɡore baa vɔwa pɛl jaɡre, ne anɔ la aa dɔ tɔre baa taɡa kɛ torɔɡo warɛ kohona dɛ́ ba yo. Baa le bobɛlbwaa dɛ́ ba bare, dɛ́ kpɔ kwaa tɔ ba te ɡbemɡbe dɛ́ pi laa ɡbɛrɛre. Mɛɛ kpɔe do ba nɔn ta ásɛ ba tɛr he deŋne.

Nɛra Kura 13:21

Ate, ba chiɡ ŋwɛnɛ ta dɛ ka sɔh nyiŋi harɛ la. Ba cheɡɛ Sin pua hɛŋle ɡbo harɛ ta, dɛ ka le Rehob waa lɔ Lebo Hamat ŋwɛnɛ ta.

Nɛra Kura 34:11

ásɛ jwɛh la le Sɛfam dɛ́ kaa Ribla waa lɔ Ain wee leebɔr, dɛ́ kpoŋe wili kaa Galilia Moo nyoa wee leebɔr.

Josua 13:5

Dɛ a chɛ kɛ hé yo Gebal tena harɛ dɛ́ pɔ ba nɛ, dɛ́ teŋɛ kaa Lɛbanɔn harɛ bwa wee leebɔr, le Baal Gad waa lɔ Hɛmɔn Bwejen lɔɡa ŋwɛnɛ waa chɔa kaa Lebo Hamat.