Jeremia 52:6 - mzwDBL

⁶ A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Jeremia 52:6 ပူးပေါင်းရင်းမြစ်များ

2 Koranar 25:3

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Aesaya 3:1

Hé no, Koranar Bwa Kooro dɛ ba nɛra ne kwaa Jerusalam ne Juda tena aa kpɔ ba te dawɛ a nɛɛ la laa dɛ kpɔ. Wɛɛ tɔ ba kondikwaa ne nee ŋwɛnɛɛ,

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 19:9

Ba dɔma ɛɛ ba bar bwɛjen laanee dɛɛ nyin dɛ́ kpo o bini nɛra. Kwaa baa ma dɛ́ che a ta jo ba be ɛɛ do ɔmaa kohona, a ɡel lɔr chole o nɛra nɛ, ásɛ ba kpoo dɔŋa dɛɛ chwe, hale ba bibaala ne bihaahna bwa.’ ”

Jeremia 21:9

Nomɛlbwa soɡe bwɛjen nɔ ta naa, baa kpoo laa taa, kɛɛ weechɔɡa ne lɔr ɡel o sewɛ. Kɛ bɛlbwa waa kpɔ o te ka do Babelɔn tena baa chɔa bar heyaa nɔ lɔɡa te ɛɛ dɔ o nyuu.

Jeremia 25:10

Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna.

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Jeremia 38:9

“N naa kooro, nyubinikpeɡ waa baala nɔ ɛ Korowii keame Jeremia la. Ba lawɔ ka ta kɔlɔŋ bini bela lɔr aa dɛ ba o kpoe ó sewɛ, dɛkalkɛ bwɛjen nɔ kwaraa ta la, kondikwaa toole kpa.”

Jeremia 39:2

Kooro Sedekia aa di kora bene fi dɛ beŋkpoŋ ta, korobinaarɛ tɔpenuanaarɛ ta la, ba kuuɡi Jerusalam danjwɛjen la, dɛ jo ba be.

Wiile 1:11

Jerusalam tena bwa himo dɛɛ nyin kondikwaa dɛ́ di. Ba kpɔ ba laala a yoɡ aa kpeɡa dɛɛ charɛ kondikwa, dɛ́ won so. Dɛ ŋɔ, “N Naa Korowii, nyiŋi dɛ́ na wenaale yaa lɔ a ta taraken.”

Wiile 5:10

Lɔr ɡelɔ yaa we kabul, a ɡel ya bwadabii wɔrɔbe kɛŋɔ baa mar nii fononoo bini ken.

Ɛsekeɛl 14:13

“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe.

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 31:1

Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobitooro te, tɔpere waa tɔ sie ta la, Korowii bol waa men Ɛsekeɛl be ŋɔ,

Ɛsekeɛl 5:16

Mɛɛ tɔɔɡe kondikwaa ŋwɛnɛɛ, ásɛ lɔr kpo heya. Hɛɛ na lɔr weweelee kɛŋɔ baa ta hɛma yaɡɛ heyaa dɛ kpoo heyaa la.

Ɛsekeɛl 7:15

He leɔ kɛrɛ aa, he lɔ laa ta, he berɔ so dem ɡe aa, he ne weechɔɡa ne lɔree. Laa taa banɔ la baa lɔ kpɔɡ bini ɛɛ ba serewa. Banɔ la ɡe baa lɔ bwɛjen la ta la, weechɔɡa ne lɔree dɛɛ ba ba kpoora.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Mmarare 32:24

Lɔr ɛɛ kpo heyaa kohona he ɡwaŋre dɛ serewe, weechɔɡaa dɛɛ ba heyaa kpoora. Mɛɛ ɡeloo kpɔɡ bini ola lawɛ heya, domkpuli choɡe heya.