Jeremia 52:3 - mzwDBL

³ Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Jeremia 52:3 ပူးပေါင်းရင်းမြစ်များ

Mumpar 4:14

Na, he doŋ mɛ le he sie ne para ta. Taraken nɔ, maa soŋnibɔree dɔ harɛ nɔ ta bobɛlbwa kpa. Gaaɡa ɡboo mɛɛ ba mɛɛ ɡaaɡe, ásɛ nomɛlbwa waa na mɛ la, ó kpo mɛ.”

Mumpar 4:16

Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

1 Koranar 10:9

Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

2 Koranar 17:18

Anomanta, Korowii baah di Israel tena nɛɛ taeh, dɛ doŋ ba le o sie. Juda dea tena ɡboo baa ka.

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

2 Koranar 17:23

dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Ɛsra 4:15

ásɛ he nyiŋi koranar baa tɔ he sie di kara la tɔne bini, hɛɛ nao kɛŋɔ Jerusalam ɛ deŋnekpeɡ tena bwɛ, dɛɛ ha ba koranar ne harɛ nomonome. Deŋnekpeɡ tena lɔ o ta le saŋ la bwa. A waa o fa chɔɡ la.

Sɛɡla 28:2

Harɛ wechɔɡ-ɛɛra aa lɔ o ta la, o koranaree dɛɛ warɛ. Kɛ harɛ waa dɔ nomonome baa dɔ wejema la, dɛ do kpeɡri dɛ́ che kiŋkiŋ.

Wejereme 10:16

Harɛ o nɛra kooro aa ɛ bonɔmbi, ba nomonome ɛɛ di kondikonjena, dɛɛ lɛ ba sie jwaana la, ba bwɛɛlɛ!

Aesaya 19:4

Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Aesaya 3:1

Hé no, Koranar Bwa Kooro dɛ ba nɛra ne kwaa Jerusalam ne Juda tena aa kpɔ ba te dawɛ a nɛɛ la laa dɛ kpɔ. Wɛɛ tɔ ba kondikwaa ne nee ŋwɛnɛɛ,

Aesaya 36:5

He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ?

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”