Jeremia 52:20 - mzwDBL

²⁰ Ayaawa aa lɔ pilare anɛ la ta, ne kwaa aa dɔ nakpale baa taɡa ne loɡbajen baa dɛ yerɔ Mpo, asɛ nabali fi dɛ anɛ do o lɔɡa, Kooro Solomɔn ɛa cheɡ Korowii Dea la, a kan kohona kɛŋɔ ba won maɡɛ a tɔɡre.

Jeremia 52:20 ပူးပေါင်းရင်းမြစ်များ

1 Koranar 7:25

Ayaawa loɡ baa dɛ yerɔ Mpo la chɔŋɛ ayaawa waa kpɔa ɛ nabala fi dɛ anɛ nɛ, atoro sie chaɡɛ weekaŋle nyunduabɔr pera, atoro sie chaɡɛ wee cholibɔr, ta atoro sie chaɡɛ weekaŋle harɛbɔr, asɛ atoro ɡe sie chaɡɛ wee leebɔr. Loɡ la chɔŋɛ a nɛ a habɔɔ, asɛ a sie chaɡɛ baŋ.

1 Koranar 7:47

Kooro Solomɔn ta kwaa waa kpɔ ayaawa ɛa nɔ tɔɡre maɡɛ, dɛkalkɛ dɛ a warɔ kohona. Gɛɛ a do baa wola a tɔɡre ɡe jemɛ.

2 Koranar 25:16

Ayaawa aa lɔ pilare anɛ la ta, ne kwaa aa dɔ nakpale baa taɡa, ne loɡbajen baa dɛ yerɔ Mpo Kooro Solomɔn ɛa cheɡ Korowii Dea la, a kan kohona kɛŋɔ ba won maɡɛ a tɔɡre.

1 Webena 22:14

N takapɔ dɛ kpɔ suuɡaswɛm a tɔɡre aa ɛ kilore kaɡboŋ bele kaɡboŋa atoro, dɛ kaɡboŋa lafraanaarɛ, ne suuɡapoŋa a ɡe tɔɡre aa ɛ kilore kaɡboŋ bele kaɡboŋa fifraatoro dɛ anaarɛ, ne ayaawa dɛ bune aa wara ne daa ne bwea bwa ba, ásɛ he nyin ane ja do dea la.

2 Webena 4:18

Kooro Solomɔn ta kwaa waa kpɔ ayaawa ɛa nɔ tɔɡre maɡɛ, dɛkalkɛ dɛ a warɔ kohona.

Jeremia 52:17

Babelɔn laa tena la kuuɡi ayaawa pilare ne kwaa aa dɔ nakpale baa taɡa a do Korowii Dea, dɛ ayaawa loɡ baa dɛ yerɔ Mpo la, dɛ kpɔ a bwa kaa Babelɔn harɛ ta.